ՌԴ նախագահ Վլադիմիր Պուտինն օգոստոսի 11-ին հայտարարել է Ռուսաստանում COVID-19-ի դեմ առաջին պատվաստանյութի գրանցման մասին: Այսպիսով, այն դարձել է աշխարհում գրանցված առաջին կորոնավիրուսային պատվաստանյութը:
Այս մասին Պուտինը հայտարարել է երեքշաբթի՝ Նովո-Օգարիովոյում կառավարության անդամների հետ խորհրդակցության ժամանակ: Նա նաև ավելացրել է, որ իր դուստրերից մեկն արդեն իր վրա է փորձարկել կորոնավիրուսային վարակի դեմ առաջին պատվաստանյութը, հայտնում է ՏԱՍՍ-ը:
