Արդեն քանի օր է՝ հայ-ադրբեջանական սահմանին հարաբերական անդորր է, և Չորաթանի բնակիչները շարունակում են առօրյա գյուղատնտեսական աշխատանքները՝ նաև այդ կերպ անառիկ պահելով հարազատ տունը:
«Ոչ ոք մեզ չի կոտրի. մենք ամենավերջին այգում էլ կկանգնենք, և թուրքը սիրտ չի անի մեզ նեղություն տալ», — ասում է Չորաթանի բնակիչ Վանիկ Ուդումյանը:
Չորաթանի խաղողի այգիները հակառակորդի կողմից դիտարկվող տարածքում են: Հրետակոծությունից վնասվել է խաղողի բերքը, սակայն գյուղի բնակիչներն առանց ընկճվելու շարունակում են առօրյա գյուղատնտեսական աշխատանքները:
