Ազգային ժողովի նախագահ Արարատ Միրզոյանը պաշտոնական տեղեկագրում հրապարակել է խորհրդարանի կողմից ընդունված Սահմանադրության փոփոխությունները: Այս մասին նա հայտնել է ֆեյսբուքյան գրառմամբ:
Սահմանադրության փոփոխություններով վերաշարադրվել է Սահմանադրության 213-րդ հոդվածը։ Այն վերաբերում է ՍԴ դատավորների և նախագահների պաշտոնավարման կարգին։ 12 տարուց ավելի պաշտոնավարած դատավորների լիազորության ժամկետը համարվում է ավարտված։ Նպատակը, ըստ հիմնավորման, 2015թ․ Սահմանադրությամբ նախատեսված ՍԴ ձևավորման նոր մոդելի կիրառումն ապահովելն է։
Սահմանադրության փոփոխություններն ուժի մեջ են մտնում պաշտոնական հրապարակմանը հաջորդող օրվանից:
