«Նորք» ինֆեկցիոն հիվանդանոցի անձնակազմին մեկուսանալու համար հյուրանոցը տրամադրել է 100 սենյակ

Holiday Inn Express Yerevan հյուրանոցը 100 սենյակ է տրամադրել «Նորք» ինֆեկցիոն հիվանդանոցի բուժանձնակազմի մեկուսացման համար։ Այդ մասին հայտնում է հիվանդանոցի ֆեյսբուքի էջը։

««Նորք» ԻԿՀ բուժանձնակազմը իր մեկուսացումը շարունակելու է անցկացնել Holiday Inn Express Yerevan հյուրանոցում, ընտանիքի անդամների և շրջապատի առողջության պաշտպանության համար։ Հյուրանոցը անձնակազմին տրամադրել է 100 սենյակ։ Կարևորում և գնահատում ենք հյուրանոցի տնօրինության մեծահոգի քայլը»,- ասված է հաղորդագրության մեջ։