Կորոնավիրուսի տարածումը կանխարգելող միջոցառումները կխստացվեն։ ՀՀ վարչապետ Նիկոլ Փաշինյանն այս մասին հայտնել է Ֆեյսբուքի իր էջում:
Վաղ առավոտից կկիրառվեն նոր սահմանափակումներ, հայտնել է վարչապետը։ Ըստ նրա ունենք հաստատված 41 դեպք։ 26 ունեն թոքաբորբ, բայց վիճակը վերահսկելի է, ասել է վարչապետը։
Մեկ շաբաթով կարգելվեն սրճարանների, ռեստորանների աշխատանքը, շինարարությունը։
Վարչապետն ասել է նաև, որ սպասում են նաև լավ լուրերի։ 70 մեկուսացված վաղը երկրորդ անգամ թեստ կհանձնեն, և առողջ լինելու դեպքում նրանք կգնան իրենց տուն։
ՀՀ կառավարությունը Հայաստանում արտակարգ դրություն է հայտարարել: Արտակարգ դրությունը գործում է Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն:
