«Հայաստանը պետք է պաշտոնական բողոք ներկայացնի Թուրքիայի դեմ՝ ղարաբաղյան խնդրին միջամտելու փորձերի համար»,– կարծում է «Մոդուս Վիվենդի» հետազոտական կենտրոնի ղեկավար, Կանադայում Հայաստանի նախկին դեսպան, դիվանագետ Արա Պապյանը։
«Թուրքիայի արտգործնախարար Մեվլութ Չավուշօղլուի՝ ղարաբաղյան խնդրի լուծման ադրբեջանամետ դիրքորոշման հայտարարությունն ու վերջին երկու տարվա համանման փաստերը Հայաստանը պետք է հավաքի ու պաշտոնապես ներկայացնի ԵԱՀԿ ՄԽ համանախագահներին » – ասում է Պապյանը։
Ըստ նրա՝ Թուրքիայի հետագա գոյությունը ՄԽ կազմում անընդունելի է, քանի որ այդ երկիրը խախտում է չեզոքության սկզբունքը։
Պապյանը կարծում է, որ աշխարհաքաղաքական նպաստավոր պայմանների առկայության պարագայում հայկական առաջարկները հնարավոր է հավանության արժանանան, ինչպես եղավ Հայոց ցեղասպանության բանաձևերի ընդունման դեպքում։
