Օլիմպիական չեմպիոն, աշխարհի եռակի, Եվրոպայի քառակի չեմպիոն հունահռոմեական ոճի ըմբիշ Արթուր Ալեքսանյանը նշանակվել է ՀՀ-ում ՅՈՒՆԻՍԵՖ-ի ազգային դեսպան: Այսօր կայացել է պաշտոնական արարողությունը:
Հայ մարզիկներից բարի կամքի դեսպան է նաև Հայաստանի ազգային հավաքականի և «Ռոմայի» ֆուտբոլիստ Հենրիխ Մխիթարյանը:
ՅՈՒՆԻՍԵՖ-ը Հայաստանում է 1994 թվականից և արդեն 25 տարի է, ինչ աջակցում է Հայաստանի կառավարությանը՝ մշակել և իրագործել բարեփոխումներ՝ ուղղված Հայաստանի երեխաների իրավունքների իրականացմանը խոչընդոտող բացերի վերացմանը՝ հատուկ ուշադրություն դարձնելով ամենակարիքավոր և խոցելի երեխաներին:
