Բաքվում այսօր հյուրընկալում են Ռուսաստանի նախագահ Վլադիմիր Պուտինին: Ալիև-Պուտին վերջին հանդիպումը կայացել էր ընդամենը մի քանի շաբաթ առաջ Սոչիում՝ բավականին հագեցած օրակարգով: Բաքու Վլադիմիր Պուտինի այսօրվա այցի պաշտոնական առիթը ռուս-ադրբեջանական միջտարածաշրջանային հերթական ֆորումին մասնակցությունն է, սակայն Ռուսաստանի նախագահը Ադրբեջան է մեկնում այդ երկրի տարածաշրջանային կշռի մեծացման ֆոնին: Ինչ ռիսկեր են ստեղծվում Հայաստանի համար: Ռադիոլուրի զրուցակիցը «Միջազգային և անվտանգության հարցերի հայկական ինստիտուտի» հիմնադիր նախագահ, քաղաքական վերլուծաբան Ստյոպա Սաֆարյանն է:
