ԿարևորՔաղաքական

Հայաստանի և ԼՂ ԱԳ նախարարները քննարկել են ղարաբաղյան խնդիրը

Հայաստանի արտգործնախարար Զոհրաբ Մնացականյանն այսօր հանդիպել է Լեռնային Ղարաբաղի արտաքին գերատեսչության ղեկավար Մասիս Մայիլյանի հետ։

Ըստ Լեռնային Ղարաբաղի արտգործնախարարության, հանդիպումը մեկնարկել է արտգործնախարարների առանձնազրույցով, ապա շարունակվել ընլայլնված կազմով՝ պատվիրակությունների մասնակցությամբ։

Զրուցակիցները ընդգծել են երկկողմ հանդիպումների հաճախակի և առարկայական բնույթը, ինչը հնարավորություն է ընձեռնում մանրակրկիտ անդրադառնալ օրակարգային բազմաթիվ խնդիրների։

Կողմերը շեշտել են երկու երկրների արտաքին քաղաքական գերատեսչությունների միջև պարբերական ոլորտային խորհրդակցությունների անցկացման կարևորությունը:

Հայաստանի և Արցախի արտաքին քաղաքական գերատեսչությունների ղեկավարները մտքեր են փոխանակել ԵԱՀԿ Մինսկի խմբի համանախագահության ձևաչափում Լեռնային Ղարաբաղի հիմնախնդրի խաղաղ հանգուցալուծման գործընթացին առնչվող մի շարք հարցերի շուրջ։

Մասիս Մայիլյանը Զոհրաբ Մնացականյանին պարգևատրել է Արցախի արտաքին գործերի նախարարության հիմնադրման 25-ամյակին նվիրված հուշամեդալով:

Back to top button