Հուլիսի 16-ին Երևանի ավագանին պետք է քաղաքապետ ընտրի: Ընտրությունից ընդամենը 2 օր առաջ դեռ անորոշ է «Ելք» և «Հանրապետական» խմբակցությունների դիրքորոշումը:
Այս քաղաքական ուժերն առայժմ թեկնածու չեն առաջադրել և չեն էլ հստակեցրել՝ մասնակցելո՞ւ են քվեարկությանը, թե՞ ոչ:
Քաղաքապետի միակ թեկնածուն այս պահին «Երկիր ծիրանին» ներկայացնող Զարուհի Փոստանջյանն է:
Երևանի քաղաքապետի պաշտոնում առաջադրված միակ թեկնածուն Զարուհի Փոստանջյանն է:
Ավագանու «Ելք» և «Հանրապետական» խմբակցությունները հնարավոր է թեկնածու չառաջադրեն, իսկ առաջադրելու հավանականությունն այնքան է, ինչքան չառաջադրելունը:
Այսպիսին է իրավիճակը Երևանի քաղաքապետի ընտրությունից մեկ օր առաջ:
Ավագանու «Ելք» խմբակցության ղեկավար Դավիթ Խաժակյանն ասում է ՝ իրենց համար անընդունելի կլինի հանրապետական խմբակցությունից որևէ առաջադրում: ՀՀԿ-ն ունի վստահության դեֆիցիտ և քաղաքապետի թեկնածու պետք է չառաջադրի:
«Ելք»-ի հավանական որոշման մասին խոսելիս փակագծերը դեռ ամբողջությամբ չի բացում:
Ավագանու «Հանրապետական» խմբակցության անդամ Աննա Ասատրյանը նույպես փակագծերը չի բացում և հորդորում է սպասել մինչև երկուշաբթի:
Եթե ավագանու երկու խմբակցություններն էլ թեկնածու չառաջադրեն և չպաշտպանեն առաջադրված միակ թեկնածուին, ապա գործող ավագանին կլուծարվի:
«Երևան քաղաքում տեղական ինքնակառավարման մասին» օրենքն այսպիսի ընթացք է նախատեսում. եթե քաղաքապետի հրաժարականից հետո գումարված նիստում կամ դրան հաջորդող երկու շաբաթների ընթացքում քաղաքապետի թեկնածու չի առաջադրվում կամ առաջադրված թեկնածուն չի հավաքում անհրաժեշտ քանակությամբ ձայներ, ապա ավագանին ցրվում է և նշանակվում են արտահերթ ընտրություններ։
