Ապրիլի 9-ին Ազգային ժողովի հատուկ նիստում ժողովրդին տրված երդմամբ Հայաստանի 4-րդ նախագահ Արմեն Սարգսյանը կստանձի իր պաշտոնը:
Երդմնակալության արարողությունը տեղի կունենա մարզահամերհային համալիրում: Սա նորանկախ Հայաստանի պատմության 7-րդ երդմնակալության արարաողությունն է:
Նախորդ երեք 3 նախագահներից յուրաքանչյուրը երդվել է երկու անգամ: Փոխվել են վայրերը, երդման տեքստերը, արարողություններն անցել են տարբեր մթնոլորտներում:
«Գրանցվել է 164 պատգամավոր, կարող ենք սկսել աշխատանքը»:
1996-ի նոյեմբերի 11-ն է, ԱԺ հատուկ նիստը բացում է խորհրդարանի փոխխոսնակ Բաբկեն Արաքցյանը: Հանրապետության առաջին նախագահ Լևոն Տեր-Պետրոսյանի երկրորդ երդմնակալության արարողությունն է: Առաջինը 91-ի նոյեմբերին էր, երբ Հայաստանը դեռ Սահմանադրություն չուներ ու որպես երդման խորհրդանիշ ընտրվել էր Մատենադարանում պահվող հնագույն, 7-րդ դարով թվագրվող հայերեն ձեռագիր Աստվածաշունչը՝ Վեհամոր Ավետարանը: 1996-ի նոյեմբերին Սահմանադրությունն արդեն ընդունված էր: Առաջին նախագահը ԱԺ-ում երդվում էր երկրորդ անգամ՝ աջն արդեն ոչ միայն Ավետարանի, այլ նաև Սահմանադրության մայր օրինակի վրա:
Ի տարբերություն առաջինի՝ Տեր –Պետրոսյանի երդումն ու դրանից հետո արտասանած խոսքը նկատելիորեն կրճատվել էր: 95-ին ընդունված Սահմանադրությունն, ի դեպ, երդման տեքստ չէր սահմանում: Առաջին նախագահը խոստանում էր ոչ միայն հարգել Սահմանադրությունը, երաշխավորել երևկրի անկախությունն ու ամբոջականությունը, այլ նաև չկորցնել զգոնությունն ու պատասխանատվության գիտակցումը:
«Հեռու մնալ արկածախնդրությունից, անիրատես ծրագրերից ու շուտափույթ որոշումներից»:
Ի տարբերություն առաջին պաշտոնամուտի՝ ընտրությունների պաշտոնական արդյունքներով պարտված ընդդիմության թեկնածու Վազգեն Մանուկյանը երդմնակալութանը: Ավանդույթը չխախտվեց հաջորդ բոլոր ընտրություններին: 1998-ի արտահերթ ընտրությունների արդյունքով նախագահ ընտրված Ռոբերտ Քոչարյանի պաշտոնամուտի արարողությանը ներկա չէր ընտրությունների 2-րդ փուլում նրան պարտված Կարեն Դեմիրճյանը:
98-ից հետո ՀՀ նախագահի երդմնակալության արարողությունները տեղի են ունենում ապրիլի 9-ին: 2003-ի այդ օրը հանրապետության երկրորդ նախագահ Ռոբերտ Քոչարյանի երկրորդ ինաուգուրացիան անցավ ավելի լարված մթնոլորտում: ԱԺ հատուկ նիստը կառավարության նիստերի դահլիճում էր: Ընդդիմությունը հանրահավաք էր կազմակերպել Մատենադարանին հարող տարածքում: Ընդդիմության բողոք կար նաև 2008-ի ապրիլի 9-ին: Հայաստանի երրորդ նախագահ Սերժ Սարգսյանի պաշտոնամուտը հաջոդում էր մարտիմեկյան իրադարձություններին: Քաղաքական ընդդիմությունը Մյասնիկյանի արձանի հարակից տարածքում էր, իշխանությունը՝ օպերայի դահլիճում:
2013-ի ընտրություններին երդման արարողությունների պատմության մեջ նոր էջ գրվեց: Սերժ Սարգսյանի պաշտոնի ստանձնման արարողությանը զուգահեռ Ազատության հրապարակում ընտրության արդյունքով երկրորդ տեղը զբաղեցրած թեկնածու Րաֆֆի Հովհաննիսյանն այլընտրանքային երդմնակալություն կազմաերպեց ու իր կողմնակիցների հետ Ազատության հրապարակում ընթերցեց «Նոր Հայաստանի» երդման տեքստը:
Իսկ մարզահամերգային համալիրում երդվում էր երկորդ անգամ հանարապետության նախագահի պաշտոնում ընտրված ընտրված Սերժ Սարգսյանը:
Հանրապետության նախագահի պաշտոնում այս տեքստը Սերժ Սարգսյանը 2013-ի ապրիլի 9-ին արտասանում էր երկրորդ ու վերջին անգամ:
Հանրապետության 4-րդ նախագահ Արմեն Սարգսյանը նույնպես, ձեռքը Տիրամոր Ավետարանի ու Սահմանադրության մայր օրինակի վրա, պաշտոնը ստանձնելիս երդման տեքստ կարտասանի:
Այն, ի դեպ, նոր Սահմանադրությամբ փոքր ինչ կրճատվել ու վերախմբագրվել էԽորհրդարանական Հյաստանում նախագահը պշտոնը ստանձնելիս կխոստանա հավատարիմ լինել Սահմանադրությանը, լիազորություններն իրականացնելիս լինել անաչառ, առաջնորդվել միայն համապետական ու համազգային շահերով:
