Ադրբեջանին ռուսական զեքի մատակարարումների թեման կրկին քննարկումների առանցքում:
Հայաստանում ցանկացած առիթ օգտագործում են մի պարզ հարց տալու և դաշնակից համարվող Ռուսաստանին հասկացնելու, որ պետք չէ զինել ագրեսիվ հայտարարություններով աչքի ընկնող անող Ադրբեջանին:
Ռուսաստանի Պետական դումայի պատգամավոր Կոնստանտին Զատուլինը արդարացել է այսօր նշելով թե Ռուսաստանում հասկանում են հայերի մտահոգությունները:
Ռուսական զենքի մատակարարումները Ադրբեջանին Հայաստանի ցավոտ ու շատ քննարկված հարցերից մեկն է, մասնավորապես` հաշվի առնելով Հայաստանի ու ՌԴ ռազմավարական, դաշնակցային հարաբերությունները: Ցանկացած ռուս պաշտոնակցի Երևան այցը արժանանում է այս հարցադրմանը, ինչին հետևում է ըմբռնումով լի պատասխան:
Հերթականն այսօր էր:
Ռուսաստանի Պետական դումայի պատգամավոր Կոնստանտին Զատուլինը Հայաստանի խորհրդարանում հիշելով 2016-ի ապրիլյան պատերազմը նշեց, որ հասկանում է 2016-ին տեղի ունեցած գործողություններից հետո Հայաստանի հասարակության շրջանում առկա դժգոհությունները:
«Մենք շատ ցավում ենք, որ Ադրբեջանում չեն գտել մեկ այլ ձև սպառազինությունը օգտագործելու, քան հակարտության գոտում այն կիրառելը ՝ խախտելով հրադադարի ռեժիմը։ Հավատացած եղեք, Ռուսաստանը հետևություններ է արել տարածաշրջանում սպառազինության մատակարարման հավասարակշռության խախտման հարցում և Հայաստանին ամենաժամանակակից սպառազինությամբ է մատակարարել , որը դուք հնարավորություն ունեցանք տեսնելու Հանրապետության տոնի առիթով կազմակերպված շքերթի ժամանակ»:
Թեև հետևություններ արել են, սակայն ռուսական զենքի մատակարարումները Ադրբեջան շարունակվում են, Ալիևն ավելի ագրեսիվ հայտարարություններ է անում՝ չթաքցնելով նկրտումները Երևանի ու Զանգեզուրի նկատմամբ։ Զատուլինը լրագրողներին հարցին ի պատասխան նկատում է՝ Ալիևի հայտարարությունները պետք չէ լուր ընդունել, դրանք ընտրություններից առաջ ներքին սպառման համար են նախատեսված։
«Անկասկած, իմ դիրքորոշումն այն է, որ նման հայտարարությամբ Ալիևը թուլացրել է իր դիրքերը միջազգային ասպարեզում: Այդ հայտարարությունը, ամենայն հավանականությամբ, ուղղված է եղել ներքին լսարանին՝ հաշվի առնելով, որ առջևում նախագահական ընտրություններ են: Այն որևէ քննադատության չի դիմանա թե պատմական և թե քաղաքական տեսանկյունից։ Պարզապես պարզ չէ, թե ինչպես կարող է որևէ մեկը լուրջ վերաբերվել այս հայտարարությանը»:
Միանշանակ, Ալիևի հայտարարությունը ներքին լսարանի համար էր արված՝ տեսակետին համաձայն է «Ռազմինֆո» կայքի համակարգող, փորձագետ Կարեն Վրթանեսյանը։ «Ռադիոլուրի» հետ զրույցում շեշտեց, որ Ադրբեջանում մի ամբողջ սերունդ է դաստիարակվում տարածքային հավակնություններից նկրտումներով: Ավելին՝
«Ներքին լսարանի համար էր, սակայն եթե վստահ լինի , որ հաջողության կհասնի, չկասկածեք, որ հարձակման կդիմի»:
Կարեն Վրթանեսյանը անդրադառնալով նաև Զատուլինի կողմից արված ձևակերպմանը, թե ՌԴ-ում հասկացողություն կա, որ ռուսական մատակարարումները խախտում են տարածաշրջանային հավասարակշռությունը հիշեցրեց, որ նման հայտարարություն վերջերս էլի է արվել, սա առաջինը չէ, սակայն դրանք պետդումայի պատգամավորների կողմից արված հայտարարություններ են. իսկ դա նշանակում է.
«Դա երաշխիք չէ, թե էլ չեն մատակարարի: ՌԴ բարձր մակարդակով պետք է որոշում կայացնի»:
Ամեն դեպքում՝ ռուս պատգամավորների հայտարարությունները վկայում են, որ Ռուսաստանում հասկացել են Հայաստանի ուղերձը՝ եզրակացրեց Կարեն Վրթանեսյանը:
