Հունվարի 19-ին նախագահի նստավայրում, այնուհետեւ հանդիպումներ խորհրդարանում եւ բազմաթիվ այլ կառույցներում:
Որոշում կայացրել է ոչ միայն ՀՀԿ 4-րդ նախագահի թեկնածու Արմեն Սարգսյանը, այլեւ՝ խորհրդարանական մեծամասնությունը: Արմեն Սարգսյանն այսօր կրկին այցելել է խորհրդարան:
Դեռ ընտրությունները չեն եւ չի էլ առաջադրվել: Նրա այցի մանրմասներից պատմում է «Ռադիոլուր»-ը:
Կեսօրից հետո՝ ժամը 13-ին, Արմեն Սարգսյանն այսօր մտավ խորհրդարանի շենք եւ այնտեղից դուրս եկավ ոչ միայն իբրեւ Հանրապետական կուսակցության, այլև՝ կոայիցիայի կողմից առաջադրվող նախագահի թեկնածու: Այս այցից հետո եղավ եւս մեկ փոփոխություն՝ մինչ այս պահը ցանկացած հանդիպման վայրում լրագրողների հետ զրուցող Արմեն Սարգսյանն այսօր այլեւս չշփվեց լրագրողների մոտ:
Արմեն Սարգսյանը նախագահի թեկնածու է՝ այսպիսի ձեւակերպում արդեն կարող ենք տալ: Առաջադրման համար հավաքված ստորագրությունները պահանջվող քանակից երկու անգամ ավելի են: Արդեն կա մոտ 60 ստորագրություն:
Այս պահին ինտրիգը 31 հոգանոց «Ծառուկյան» խմբակցության դիրքորոշումն է: Արմեն Սարգսյանի թեկնածության շուրջ վերջնական որոշում այդ քաղաքական ուժը դեռ չի կայացրել: Դիրքորոշումը կհստակեցվի խմբակցության եւ քաղխորհրդի նիստերից հետո: Կոալիցիոն ճամբարում, սակայն, այսօր արդեն օգտագործում են «լայն կոնսոլիդացիա» ձեւակերպումը: Հանրապետական խմբակցության ղեկավար Վահրամ Բաղդասարյան.
Ավելի վաղ ծառուկյանականները մերժեցին «Ելք» խմբակցության գործընկերներին եւ իրենց ստորագրություններով չօգնեցին այլընտրանքային թեկնածու առաջադրելուն: Նախագահի պաշտոնի համար ամենաառաջինը հայտարարվեց Արտակ Զեյնալյանի թեկնածությունը, բայց 9 հոգանոց «Ելք»-ին չհաջողվեց ապահովել անհրաժեշտ ստորագրությունների նվազագույն քանակը:
Ինչ է խոսվել այսօր կոալիցիոն ուժերի ներկայացուցիչների եւ Արմեն Սարգսյանի դեռփակ հանդիպմանը՝ որոշ մանրամասներ բացահայտեց Դաշնակցություն խմբակցության քարտուղար Աղվան Վարդանյանը: Նրան Արմեն Սարգսյանի ելույթը տպավորել է:
Թե հանրապետական եւ թե դաշնակցություն կուսակցությունների ներկայացուցիչները չեն ընդունում տարածվող տեսակետը, թե նախագահի թեկնածուն կոնկրետ մեկ անձի՝ Սերժ Սարգսյանի նախընտրած գործիչն է:
Այս փուլում կոալիցիոն պատգամավորները չեն ցանկանում անդրադառնալ «Ելք» խմբակցության` նախագաի ընտրության կարգը ՍԴ-ում վիճարկելու քայլին: «Դա յուրաքանչյուր խմբակցության իրավունքն է որեւէ խնդիր չկա»,- նշում է Վահրամ Բաղդասարյանը: Աղվան Վարդանյանը հավելում է:
Այժմ Հայաստանի 4-րդ նախագահ ընտրելու ժամկետների մասին: Խորհրդարանում ՀՀ նախագահի ընտրությունը տեղի կունենա մարտի 2-ին, իսկ մինչև փետրվարի վերջը տեղի կունենա թեկնածուների առաջադրումը: Ըստ նոր Սահմանադրության, նախագահին առաջին փուլում ընտրելու համար անհրաժեշտ է, որ 105 պատգամավորից առնվազն 79-ը կողմ քվեարկի: Ակնհայտ է, որ պակասող 14 ձայնի համար կոալիցիոն ուժերը կփորձեն բանակցել «Ծառուկյան» խմբակցության հետ: «Ելք»-ը նախապես հայտարարել էր, որ դեմ են քվեարկելու:
