Նիդերլանդների խորհրդարանն այսօր քննարկել է Հայոց ցեղասպանությանը վերաբերող օրենքի նախագծեր, որոնց հեղինակը երկրի կոալիցիոն կառավարության մեջ մտնող Քրիստոնեական միություն կուսակցությունը ներկայացնող Ջոել Ֆորդեւինդն է:
2 նոր նախագծերից առաջինը Նիդերլանդների կողմից 2004 թվականին Հայոց ցեղասպանությունը ճանաչելու մասին որոշման վերահաստատումն է: Իսկ երկրորդ նախագիծը պարտադրելու է նախարարի մակարդակով ամեն տարի ապրիլի 24-ին այցելել եւ հարգանքի տուրք մատուցել Ծիծեռնակաբերդում:
Ինչպես է ընթացել քննարկումը, «Ռադիոլուրին» հաջողվել է կապ հաստատել Նիդեռլանդների խորհրդարանում քննարկմանը հետևող, հոլանդահայ ֆեդերացիայի նախագահ՝ Մատո Հախվերդյանի հետ:
