Հայաստանի Գորիս քաղաքը ճանաչվել է ԱՊՀ 2018 թ. մշակութային մայրաքաղաք:
Որոշումն ընդունվել էր դեռևս ապրիլին՝ Տաշքենդում կայացած ԱՊՀ երկրների արտաքին գործերի նախարարությունների ներկայացուցիչների նիստի ընթացքում:
Մշակույթի նախարարությունում այսօր ներկայացրել են ծրագրի մանրամասներն ու խորհրդանշանը, որի համար ավելի վաղ մրցույթ էր հայտարարվել:
«Համագործակցության մշակութային մայրաքաղաքներ» միջպետական ծրագրի կանոնակարգով, Հայաստանը 2016 թվականի դեկտեմբերին ԱՊՀ գործադիր կոմիտեին առաջարկություն էր ներկայացրել՝ Սյունիքի մարզի Գորիս համայնքը 2018 թվականի ԱՊՀ մշակութային մայրաքաղաք հայտարարելու վերաբերյալ:
Հայկական կողմի առաջարկությունը հաստատվեց 2017-ի հոկտեմբերի 11-ին՝ Սոչիում կայացած ԱՊՀ երկրների արտաքին գործերի նախարարությունների ներկայացուցիչների նիստում:
«ԱՊՀ տարածքում սա իսկապես նշանակալի իրադարձություն է, որն իրականացնելու համար բավականին լուրջ աշխատանք է տարվում և՞ մշակույթի նախարարության, և՛ Գորիսի համայնքային իշխանության կողմից: Ամեն ինչ արվում է, որպեսզի պատվով կրենք Գորիսի՝ ԱՊՀ մշակութային մայրաքաղաք տիտղոսը»,-հրավիրված ասուլիսում այսօր վստահեցրեց մշակույթի փոխնախարար Արթուր Պողոսյանը:
Նախապատրաստանակ աշխատանքի շրջանակում հաստատվել է մրցույթի արդյունքում հաղթած, Էդուարդ Քանքանյանի հեղինակած ԱՊՀ Մշակութային մայրաքաղաք Գորիսի խորհրդանիշը: Միջոցառումների նախնական ծրագիրն առաջիկայում ներկայցվելու է ԱՊՀ գործընկերներին՝ Մոսկվայում կայանալիք ԱՊՀ մտավորականության 12-րդ համաժողովում:
Միջոցառումների մեկնարկը կտրվի 2018-ի հունիսի վերջին՝ Մշակութային մայրաքաղաքի տիտղոսը Գորիսին հանձնելու պաշտոնական արարողությամբ:
««Առաջիկա իրադարձությանը տեղական իշխանությունն ու բոլոր գորիսեցիները նախապատրաստվում են ամենայն լրջությամբ»,-վստահեցնում է Գորիսի փոխքաղաքապետ Մենուա Հովսեփյանը։
«Գորիսում այս պահին իրականացվում է լայնածավալ աշխատանք՝ բարեկարգման, երթկառուցվածքների զարգացման, առհասարակ, կյանքի որակը բարձրացնելու ուղղությամբ: Գորիսն ունի հրաշալի բնաշխարահ, պատմամշակութային հարուստ ժառանգություն, առիթը օգտագործելով, մենք փորձելու ենք արժանիորեն ներկայացնել այդ ամենը՝ ողջ աշխարհում առավել ճանաչելի դարձնելով մեր քաղաքը: Մեր նպատակին հասնելու համար ջանք չենք խնայելու, աշխատելու ենք օր ու գիշեր»:
«Գորիսը ԱՊՀ մշակութային մայրաքաղաք» ծրագրի շրջանակում կիրականացվեն ավելի քան 50 միջոցառումներ, որոնք կհամակարգի միջգերատեսչական հանձնաժողովը՝ ՀՀ փոխվարչապետի գլխավորությամբ: Ծրագրերը հիմնականում ֆինանսավորվելու են պետբյուջեի և ԱՊՀ հումանիտար ֆոնդի միջոցներով: Մշակույթի փոխնախարարի տեղեկացմամաբ, որոշ ծրագրեր կիրականացվեն հասարակական կազամակերպությունների օժանադակությամբ:
Հավելենք, որ 2013-ին ԱՊՀ մշակութային քաղաք է ճանաչվել նաև Գյումրին: 2017-ի ԱՊՀ մշակութ ային մայրաքաղաքը ադրբեջանական Գյանջան է:
