Ռուս տիեզերագնաց-օդաչու, ՌԴ հերոս Սերգեյ Ռյազանսկին ֆեյսբուքյան իր էջում կրկին հրապարակել է Միջազգային տիեզերակայանից արված Հայաստանի լուսանկարը: Այս անգամ նրա նկարում պատկերված է Սևանա լիճը:
«Սևանա լիճը Հայաստանում և կովկասյան տարածաշրջանում ամենամեծ ջրային տարածքն է, այն նաև Եվրասիայում ամենաբարձր և մեծ քաղցրահամ լիճն է: Լիճը գտնվում է Գեղարքունիքի մարզում՝ ծովի մակարդակից 1900 մետր բարձրության վրա»,- հրապարակման մեջ գրել է տիեզերագնացը:
Ավելի վաղ Սերգեյ Ռյազանսկին հրապարակել էր տիեզերքից արված Երևանի լուսանկարներ և կատարել հետևյալ գրառումը. «Երևանը նման չէ մյուս մայրաքաղաքներին, մարդիկ այստեղ չեն շտապում, քաղաքն իր չափավոր տեմպով է շարժվում։ Իսկ Երևանի խորհրդանիշերից մեկը՝ Կասկադը երկրի սահմաններից դուրս էլ լավ հայտնի է»:
https://www.facebook.com/sergeyiss/posts/1499286116814173
