Օրեր առաջ Լոռու մարզի Ճոճկան համայնքի մանկապարտեզի մի քանի սաներ թունավորվորման ախտորոշմամբ տեղափոխվել էին մարզի բժշկական կենտրոններ:
Սուր աղիքային վարակի պատճառը դեռեւս հայտնի չէ, որպես վարկած շրջանառվում է ջուրն ու մանկապարտեզ ներկրված սնունդը:
Լոռու մարզի Ճոճկան համայնքի մանկապարտեզում նախօրեին երեխաների մասսայական թունավորման դեպքեր են գրանցվել: Սուր աղիքային ինֆեկցիայով թունավորման առաջին դեպքը գրանցվել էր նոյեմբերի 5-ին:
Ալավերդու հիվանդանոցի ինֆեկցիոն բաժանմունք երեխաներին ընդունել են բարձր ջերմությամբ, թուլությամբ ու թունավորմանը հատուկ այլ նշաններով:
Բժշկական կենտրոնի մանկաբույժ Մանուշակ Հակոբյան
Ճոճկանի մանկապարտեզ հաճախում է 48 երեխա, գյուղապետ Արկադի Թամազյանը «Ռադիոլուրի» հետ զրույցում նշեց, որ նմուշառումներ իրականացրել են ջրից և այն ուղարկվել է լաբորատոր փորձաքննության: Նշենք, որ այժմ Ալավերդու հիվանադանոցը չունի մանրէաբանական լաբորատորիա, այն փակվել է օպիտմալացման արդյունքում, այդ իսկ պատճառով փորձանմուշներն ուղարկվել են Վանաձորի բժշկական կենտրոն:
Ճոճկանի գյուղապետ Արկադի Թամազյան
Նշենք, որ հոսպիտալված երեխաներից նույնպես իրականացրել են մանրէաբանական անալիզ պատասխանները եղել են բացասական,այսիքն որևէ մանր չի հայտնաբերվել երեխաների արյան մեջ: Իսկ վերջնական պատճառը պարզ կդառնա լաբորատոր փորձաքննություններից հետո միայն:
