Հայտնի ռոք երաժիշտ, Հայոց ցեղասպանության մասին հոլիվուդյան «Խոստումը» ֆիլմի սաունդթրեքի հեղինակ ու կատարող Քրիս Քորնելը կյանքի 52-րդ տարում մահացել է, հայտնում է ABC News-ը:
Associated Press-ին Քորնելի ներկայացուցիչ Բրայան Բամբերին հայտնել է, որ երաժիշտը մահացել է Դետրոյթում մայիսի 17-ի գիշերը: Բամբերին հայտնել է, որ Քորնելի կինն ու ընտանիքը ցնցված են տեղի ունեցածով: Ընտանիքի անդամները աշխատելու են դատաբժշկական փորձաքննող խմբի հետ՝ հասկանալու, թե որն է եղել երաժշտի մահվան պատճառը:
Քրիս Քորնելը Soundgarden ռոք խմբի կիթարահարն ու երգահանն էր: Նա նաեւ Հայոց ցեղասպանության մասին պատմող հոլիվուդյան «Խոստում» ֆիլմի համանաուն երգի հեղինակն էր:
