Բելառուսի նախագահ Ալեքսանդր Լուկաշենկոն ոչ թե ստորագրել է Եվրասիական տնտեսական միության Մաքսային օրենսգիրքը, այլ միայն հաստատել է նախագիծը՝ հայտարարել է Բելառուսի ԱԳՆ մամուլի քարտուղար Դմիտրի Միրոնչիկը:
«Ստորագրվել է ոչ թե Մաքսային օրենսգիրքը, այլ բանակցություններ անցակցնելու վերաբերյալ հրամանագիրը»,- Միրոնչիկի խոսքերն է մեջբերում «ՌԻԱ- Նովոստին»։
Ըստ դիվանագետի՝ պայմանագրի նախագծի բոլոր սկզբունքային հարցերը նախօրոք համաձայնեցվել են, սակայն ստորագրումից առաջ հնարավոր են որոշ շտկումներ:
Բելառուսի նախագահ Ալեքսանդր Լուկաշենկոն չէր մասնակցել Սանկտ Պետերբուրգում կայացած ԵՏՄ գագաթաժողովին, որի ժամանակ ստորագրվել էր Մաքսային օրենսգիրքը։ Նույն գագաթաժողովին մասնակցող Ղրղզստանի նախագահ Ալմազբեկ Աթամբաեւը եւ օրենսգիրքը չի ստորագրել։
