Եվրախորհրդարանը և Եվրամիության անդամները համաձայնագիր են ստորագրել Վրաստանի և Ուկրաինայի համար առանց վիզայի ռեժիմի ծրագրի վերաբերյալ։ Այս մասին հաղորդում է Reuters գործակալությունը՝ վկայակոչելով իր անանուն աղբյուրներին։
Ինչպես նշում է գործակալությունը, ըստ համաձայնագրի պայմանների՝ արտակարգ դեպքերում կարող է կասեցվել առանց վիզայի ռեժիմը: Համաձայնագիրը ձեռք է բերվել դեկտեմբերի 7-ի ուշ երեկոյան։
Ավելի վաղ ԵՄ Խորհուրդը պնդում էր, որպեսզի առանց վիզայի ռեժիմը ուժի մեջ մտնի նրա գործողությունների կասեցման նոր մեխանիզմների հետ միաժամանակ, որը Եվրահանձնաժողովը կարող էր գործի դնել սեփական նախաձեռնությամբ կամ Եվրամիության անդամներից որևէ մեկի պահանջով:
2015թ. դեկտեմբերին Եվրահանձնաժողովը հաղորդել է, որ Վրաստանը և Ուկրաինան կատարել են ԵՄ-ի հետ վիզային ռեժիմի ազատականացման բոլոր պայմանները, սակայն Բրյուսելը առայժմ չի ընդունել համապատասխան որոշում։
