«ԼՂՀ ՊԲ-ի լրատվական ծառայությունը պատշաճ կերպով տեղեկացնում է սահմանային իրավիճակի, հակառակորդի կրակոցների քանակի և տեսակների մասին»,- ֆեյսբուքյան իր էջում գրառել է ՊՆ մամուլի խոսնակ Արծրուն Հովհաննիսյանը՝ հավելելով, որ տվյալ պահին օպերատիվ իրավիճակը կայուն է, ԼՂՀ ՊԲ-ի ստորաբաժանումները հստակ վերահսկում են իրավիճակը: Արծրուն Հովհաննսիյանը կոչ է անում զերծ մնալ ապատեղեկատվությունից և չստուգված տեղեկությունների հրապարակումից:
Քիչ առաջ «Ռադիոլուր»-ը հեռախոսազրույց է ունեցել ՊՆ մամուլի խոսնակ Արծրուն Հովհաննիսյանի հետ, ով նշել է, որ դեկտեմբերի 1-ի եւ 2-ի այս ժամ դրությամբ սահմանագծում տեղի ունեցած միջադեպերի հետ կապված հայկական կողմը զոհեր եւ վիրավորներ չունի։
