ՀՀ մշակույթի նախարար Արմեն Ամիրյանը և Հայաստանում ԵՄ պատվիրակության ղեկավար, արտակարգ և լիազոր դեսպան Պյոտր Սվիտալսկին մշակութային փիլիսոփայության ընդհանրություններ ունեն. ոչ միայն հենց մշակույթի միջոցով Հայաստանը Եվրոպայի մնացած մասի հետ ավելի ամուր կամրջելը, այլև մշակութային իրադարձությունները դեպի Հայաստանի մարզեր ընդլայնելու գործնական անհրաժեշտությունը։
Ի դեպ, նախարարի հետ հանդիպմանն այսօր պարզվեց նաև, որ պրն դեսպանը մեր մշակութային բարձրարվեստ օջախների հաճախակի հյուրն է, և ավելին, նկատել է, որ այստեղ մարդիկ սիրում են բարձր մշակույթը և դեռևս տպագիր գիրք են կարդում։
