Խոսելով ռազմավարական նշանակության «Իսկանդեր» զենքի առկայության մասին՝ Արման Նավասարդյանն այն նմանեցրեց ամանեղենի խանութում կռվի պատրաստվող երկու փղերի հետ: Ռազմավարական զենքը նման իրադրության պայմաններում չի կարող դրական դեր խաղալ: Ոչ Երեւանը, ոչ էլ Բաքուն չեն կարող «Իսկանդեր» օգտագործել, դա բացառվում է՝ ասաց դիվանագետը։ Իրավիճակն իրականում նրբանկատություն է պահանջում: Յուրաքանչյուր հարված կարող է նաև հակահարված ունենալ՝ ասաց:
Ալիևի՝ Արցախին լայն ինքնավարություն տրամադրելու հայտարարությունները նա խարոզչական խաղ որակեց: Բաքվից հնչող ձևակերպումներին լուրջ չի վերաբերվում նաև քաղաքագետ Սերգեյ Շաքարյանցը։
ՌԴ ԱԳ նախարար Սերգեյ Լավրովի՝ Ղարաբաղյան խնդրում Թուրքիայի դրական դերակատարության մասին հայտարարությունը Շաքարյանցը գնահատում է որպես Անկարային ԼՂ խնդրից հեռու պահելու կոչ։ Դեսպան Արման Նավասարդյանն էլ Անկարային ուղղված Լավրովի հայտարարությունը առանց նախապայմանների կարգավորման մոտեցում է համարում։ Ըստ դեսպանի՝ պետք է հաշվի առնել, որ Թուրքիան իր հետագա հարաբերությունները ՌԴ հետ երբեք չի ցանկանա պայմանավորելով Ադրբեջանով։
