Քաղաքական

ՀԱՊԿ երկրներում տեղեկատվական անվտանգության խնդիրները. համաժողով՝ Երեւանում

annanazaryan

Այսօր տեղի է ունեցել ՀԱՊԿ անդամ երկրների տեղեկատվական անվտանգության ապահովման հարցերով համաժողով, որի ընթացքում ՀՀ ազգային անվտանգության խորհրդի քարտուղար  Յուրի Խաչատուրովը կիբերանվտանգության հարցը կարևոր է համարել  ողջ աշխարհում ու նշել, որ փորձագետներն այս ուղղությամբ ասելիք ունեն: Քննարկման առանցքում է եղել Երեւանում կայացած  ՀԱՊԿ գագաթաժողովը, որին մասնակցում էին  Հայաստանի, Ռուսաստանի, Տաջիկստանի, Ղրղզստանի նախագահներն ու Ղազախստանի վարչապետը։

 

Երեկ ՀԱՊԿ գագաթաժողովում ընդունված ՀԱՊԿ  երևանյան ռազմավարությունը, որն ամրագրում է կազմակերպության  գործունեության առաջնահերթությունները  մինչև 2025թ., ամրապնդում է համագործակցության բոլոր հիմնական ուղղությունները:

Մինչև 2025 թվականի համար մշակված և  ընդունված ՀԱՊԿ  երևանյան ռազմավարության մեջ  ծանրակշիռ  տեղ է հատկացված տեղեկատվական անվտանգության պահպանման հարցերին, ինչն այսօր  ժամանակակից աշխարհում շատ կարեւոր է։ Տեղեկատվական անվտանգությունը ՀԱՊԿ գլխավոր  քարտուղար Նիկոլայ Բորդյուժան գագաթաժողովին ընդունված  ամենակարևոր որոշումն է  համարում:  ՀԱՊԿ գլխավոր քարտուղարի տեղակալ Արա Բադալյանն այսօրվա համաժողովում կարդալով Բորդյուժայի խոսքը նշեց, որ  ավելանում է ծայրահեղական  գաղափարների տարածման վտանգն աշխարհում և այդ առումով  տեղեկատվական անվտանգության ապահովման ուղղությամբ լուրջ աշխատանքներ են անհրաժեշտ:

Ռազմավարության մշակման ուղղությամբ 5 տարվա աշխատանքը,  ըստ Հայաստանի Սերժ Սարգսյանի, ամրագրում է կազմակերպության գործունեության առաջնահերթությունները մինչև 2025 թ- ը և ամրապնդում է համագործակցության բոլոր հիմնական ուղղությունների հետագա զարգացման ուղենիշները:

Back to top button