Միջազգային

Տուրք՝ ազատության եւ անկախության համար. Մարգվելաշվիլին Աբխազիայի եւ Օսիայի կորստի մասին

Վրաստանի նախագահ Գեորգի Մարգվելաշվիլին կարծում է, որ իր երկրի և Ռուսաստանի միջև հարաբերությունները կարող են կարգավորվել միայն «բարի կամքի» միջոցով: Ներկայիս իրավիճակը նա անվանել է «տարօրինակ իրականություն», որում չի լուծվում հակամարտող և ոչ մի կողմի խնդիրը:

«Ազատություն» ռադիոկայանի ռուսական ծառայությանը տված հարցազրույցում Վրաստանի նախագահը «ողբերգական» է բնորոշել ռուսական բանակի կողմից Վրաստանի երկու շրջանների բռնազավթումը: Մարգվելաշվիլիի խոսքով՝ դա «տուրք է, որը վրացիները վճարում են ազատության և անկախության համար»: Վրաստանի ղեկավարի գնահատմամբ՝ աբխազների ու օսերի համար չբացվեցին նոր հեռանկարներ, նրանք ապրում են առանց իրական հեռանկարների, առանց ապագայի:

Back to top button