ԿարևորՔաղաքական

ԱԺ- ն արտահերթով ընդունեց Հարկային օրենսգիրքն ու փոխեց կառավարության կառուցվածքը (լրացված)

տեղադրվել է ժամը 13։48- ին
լրացվել է ժամը 19։31- ին

lusinevasilyan

Խորհրդարանն ավարտել է արտահերթ նիստի աշխատանքը: Այսօր կազմակերպվել են երեկ քննարկված բոլոր օրինագծերի քվեարկությունները:  Ձայների 76 կողմ, 10 դեմ 6 ձեռնպահ հարաբերակցությամբ ընդունվել է կառավարության կառուցվածքում փոփոխություն նախատաեսող օրինագիծը: Երկրորդ ընթարցմամբ ընդունվել է նաև  վիճահարույց հարկային օրենսգիրքը : Կողմ են քվեարկել միայն Հանրապետական ու Դաշնակցություն խմբակցությունները:  Ընդդիմադիրները  խոսել են   իրենց  մտահգություններից, հորդորել հետաձգել քվեարկությունը: Խորհրդարանական մեծամասնությունը հակադարձել է՝ Հարկայինը ընտրականից հետո ամենաշատ քննարկված նախագիծն է:

 

Կառավարությունը փոխվել է, բայց ձեռագիրը  նույնն է մնացել՝ Հարկային օրենսգրքի քվեարկությունից  և ՕԵԿ-ի դեմ կողմնորոշման մասին հայտարարելուց առաջ արձանագրեց խմբակցության ղեկավար Հեղինե Բիշարյանը: Խորհրդարանին նաև հիշեցրեց՝  հաստափոր նախագիծը երեկ քննարկվել է կիսադատարկ դահլիճում:

«Ժառանգությունից»  Ռուբեն Հակոբյանը նույնպես համոզված  է, որ փաստաթուղթը համակարգաստեղծ նշանակություն ունի  և պատասխանատու  մոտեցում է պահանջում: Նա էլ  խորհրադարանական մեծամասնությանն այլ  բան հիշեցրեց, «Պատահական չէ, որ երեկ ՀՀԿ-ականներից ոչ ոք ելույթ չունեցավ՝ ի պաշտպանություն նոր Հարկային օրենսգրքի, բացի փոխխոսնակից, որի խոսքն էլ քաղաքական էր, թիմի պատիվը պահելու համար, բայց ըստ էության ասվում էր, որ ստիպված ենք ընդունել»:

Փաստաթուղթն ընդունվում է՝  քաղաքական նպատակահարմարությունից  ելնելով, այս լրացումն էլ արեց ԲՀԿ խմբակցության ղեկավարը և  ԱԺ նախագահին հորդորեց հետաձգել քվեարկությունը: « Չի կարելի խաղի այնպիսի կանոններ սահմանել, որոնք ուղղակի կործանելու են փոքր ու միջին բիզնեսը»:

Հենց այս կետում ընդդիմադիրների գրոհին որոշեց դիմադրել խորհրդարանական մեծամասնությունը:  « Մեկ- մեկ որ առանց շունչ քաշելու խոսում են …Փոքր ու միջին բիզնեսին վերաբերող առաջարկների մեծ մասն ընդունվել է: Խոսելուց բացի նաև առաջարկներ են պետք»,- տնտեսական հարցերի մշտական հանձնաժողովի նախագահ Վարդան Այվազյանը ոչ լիարժեք քննարկումից դժգոհողներին նաև թվեր հիշեցրեց ՝միայն վերջին 2 ամիսների ընթացքում Հարկային օրենսգրքի նախագիծը քննարկվել է 25 անգամ, արվել է 300 առաջարկ, որոնց գերակշիռ մասն ընդունվել է:

Խոսրով Հարությունյանն էլ վստահեցրեց, որ հարկայինը ընտրականից հետո խորհրդարանում ամենաքննարկված փաստաթուղթն է ու տեղին չէ ընդդիմադիրների այն քննադատությունը, թե փոփոխություններին քիչ ժամանակ է հատկացվել :

ՀՀԿ խմբակցության ղեկավար Վահրամ Բաղդասրայանն էլ   արձագանքեց հանրապետական պատգամվերների քիչ ելույնթերի թեմային: «Մենք դահլիճում նկարվելու համար ելույթներ չենք ունենում: ՀՀԿ-ն լիարժեք  կողմ է այս փաթեթին»:

Մեծամասնության հիմնավորումները,մ միևնույնն է չհամոզեցին Հրանտ Բագրատյանին: «Նախագծով մենք փոքր ու միջին բիզնեսին վատ վիճակի մեջ ենք գցում,, դա անառարկելի է և ցավալի»:

Հարկային օրենսգիրքը երկրորդ ընթերցմամբ  ընդունվեց ձայների 79 կողմ,  24 դեմ , 1 ձեռնպահ հարաբերակցությամբ:  Նախագիծը , հիշեցնենք, առաջինից երկորդ ընթերցում ընկած ժամանակահատվածում էականորեն փոփոխովել է: Հիմնական փոփոխությունը, որ կատարվել է վերաբերում է եկամտային հարկի դրույքաչափերին ու նվազագույն շեմերին:

Լրամշակված տարբերակով,  մասնավորապես  առաջարկում են եկամտային հարկի հետևյալ դրույքաչափերը ՝մինչև 150 հազար դրամ աշխատավարձի դեպքում` 23%,  , 150000 դրամից մինչև 2 մլն դրամ` 28%,  դրանից ավելիի դեպքում՝    36%։  Այսինքն, նվազագույն առաջին շեմը 120 հազարից բարձրացվել է 150 հազար դրամ,  երկրորդ շեմը 1 մլն դրամից դարձել  է 2 մլն դրամ, իսկ 2 մլն դրամից ավելի աշխատավարձի դեպքում դրույքաչափը 33%-ի փոխարեն դարձել է 36%։

 

Back to top button