Մշակույթ

Գևորգ Մշեցի-Ջավրուշյանի «Ժամանակxժամանակxժամանակ»- ը՝ Նկարիչների միությունում

photo-1Նկարիչ, քանդակագործ Գևորգ Մշեցին կրկին կներկայանա արվեստասեր հանրությանը, բայց  դեռևս չցուցադրված կոլաժների հավաքածուով։ «Ժամանակxժամանակxժամանակ» խորագրով ցուցահանդեսը  ներառում է ավելի քան 60 աթոռ-կոլաժ։

Արվեստագետը յուրովի ներկայացնում է Հայաստանի հասարակական և մշակութային կյանքի անցյալը, ներկան և ապագան: Կոլաժներն արտահայտում են հեղինակի հույզերը և մեր իրականության մեջ իրեն հուզող խնդիրները, մարդ էակի ներաշխարհը՝ ողջ բազմազանությամբ:

Գևորգ Մշեցին Հայաստանի նկարիչների միության անդամ է։ Նրա photo-3գործերը ներկայացվել են շուրջ երկու տասնյակ անհատական և մի շարք խմբակային ցուցահանդեսներում։ Արվեստագետի գործերը պահվում են ինչպես Հայաստանի և Ռուսաստանի տարբեր թանգարաններում, այնպես էլ մասնավոր հավաքածուներում (Ֆրանսիա, Կանադա, ԱՄՆ, Շվեդիա, Շվեյցարիա, Ռուսաստան, Իրան, Կիպրոս, Սուդան, Լիբանան)։

Գևորգ Մշեցի-Ջավրուշյանի «Ժամանակxժամանակxժամանակ» խորագրով ցուցահանդեսը կբացվի Նկարիչների միությունում սեպտեմբերի 29-ին, ժամը 16։00-ին եւ կգործի մինչև հոկտեմբերի 9-ը։

Back to top button