«ԵԱՏՄ-ԵՄ. միասի՞ն, թե՞ միմյանց դեմ» խորագրով այսօր տեղի ունեցած քննարկման ժամանակ կարծիքներ են հնչել Եվրամիության, Ռուսաստանի և ԱՄՆ-ի որդեգրած քաղաքականությունների մասին: Ռուս և հայ փորձագետները ուշադրության առանցքում են ունեցել ԱՄՆ-ում սպասվող նախագահական ընտրությունները: «Հիլարի Քլինթոնի հաղթելու դեպքում վիճակը կբարդանա նաև Հարավային Կովկասում»,-ասել է ՌԴ «Էկոնոմիկայի բարձրագույն դպրոց» պետական համալսարանի պրոֆեսոր Օլեգ Մատվեյչևը: Հայաստանի պաշտպանության նախկին նախարար Վաղարշակ Հարությունյանը, սակայն, նշել է, որ անձերի փոփոխությունը դեռ չի նշանակում ԱՄՆ-ի քաղաքականության փոփոխություն:
