Սիրիայում այսօր տեղի ունեցած մի շարք պայթյունների հետևանքով, որոնք թիրախում եղել են կառավարական և ռազմական օբյեկտները, զոհվել է առնվազն 50 մարդ, կան տասնյակ վիրավորներ: Միայն 30 մարդ զոհվել է Տարտուս քաղաքում՝ ռուսական ռազմակայանի հարևանությամբ իրականացված կրկնակի ահաբեկչության հետևանքով: Ահաբեկիչների թիրախ է դարձել նաև Հոմս քաղաքը: Դեռեւս որեւէ ահաբեկչական խմբավորում չի ստանձնել պայթյունների պատասխանատվությունը:
