Մշակույթ

Անճաշակ արվեստն այսօր խրախուսվում է պետական մակարդակով

alisagevorgyan
«Ազգային բազմաթիվ խնդիրների տարափի մեջ ազգային երգ-երաժշտության կարևորությունն այսօր անտեսված  է, բայց ազգապահպանության հիմքում հենց սա է դրված»,-համոզված են երգիչ-երգահան Արսեն Համբարյանն ու ազգային-հայրենասիրական բազմաթիվ երգերի հեղինակ Գուսան Հայկազունը: Արվեստագետները ցավ են ապրում, որ անճաշակ արվեստն այսօր խրախուսվում է պետական մակարդակով, իսկ ազգային արվեստը միայն ստվերում է:

arsen hambaryan«Եթե ազգային երգը նահանջել է, ուրեմն նոր սերնդի  դաստիարակության հարցում լուրջ խնդիր ունենք, որովհետև ազգային երգն ու երաժշտությունը մարդու  միտքն ու հոգին  սնուցող միջոցներն են». իր խոսքը հիմնավորելու համար երգիչ-երգահան  Արսեն Համբարյանը հիշեցնում է Կոմիտասի խոսքը «Մոկաց Միրզայի» մասին. «Այս երգում մեր լեռների ուժն  է: Ձենով Օհանը գուցե հենց սրանով էլ կրթում էր  Սասնա Դավթին»: Երգահանի համոզմամբ մեր ազգային երգում սերտելու արժանի ավելի շատ պատմական դասեր կան, քան պատմության դասագրքերում:

«Ազգային այնքան խնդիրներ ունենք այսօր, որ շատերին չի էլ հետաքրքրում ազգային երգ-երաժշտության կարևորությունը, բայց ազգապահպանության հիմքում հենց դա է դրված»,-ասում է: Մեծ ցավ է ապրում, որ անճաշակ երաժշտությունն այսօր խրախուսվում է պետական մակարդակով: Դրանում համոզվելու համար, ըստ նրա, բավական է միայն թերթել պետական կոչումների արժանացած երգիչ-երգչուհիների ցանկը: Փոխարենը՝ ստվերում են  նրանք, ովքեր ստեղծում են այն ինչ անհրաժեշտ է ազգին և ոչ թե այն, ինչ լավ է վաճառվում:

gusan haykazunԳուսան Հայկազունին շատերն անծանոթ են, փոխարենը բազմաթիվ երգիչներ սիրով կատարում են նրա երգերը: Գուսանը դեմ չէ, ավելին՝ ասում է, որ ուրախանում է, միայն թե իր երգերը չաղավաղեն, մեկ-մեկ էլ հիշեն հեղինակի անունը:

Աղավաղումներից զերծ մնալու համար գուսանի հետ երգի, այսպես ասած, օրիգինալ տարբերակը ներկայացնելուց  հետո երգիչ-երգահան Արսեն Համբարյանը հակադարձում է այն պնդումներին, թե ռաբիսի տարածումն այսօր պայմանավորված է ժողովրդի մեծ պահանջարկով: «Պահանջարկ չկա, կա ընդամենը վատ սովորույթի ձևավորում»,-ասում է արվեստագետը:

Նման սովորույթները ծածկում ու բթացնում են մեր բնազդները: «Մաքրենք դա ու թողնենք մեր միջի մաքրամաքուրը»,-ասում է Համբարյանը:

Back to top button