Ստամբուլում կանխել են բողոքի ակցիայի մասնակիցների մուտքն Իսրայելի հյուպատոսություն

Թուրքական Hürriyet թերթի փոխանցմամբ՝ Ստամբուլում ձերբակալել են մի խումբ անձանց, ովքեր փորձել են մուտք գործել Իսրայելի հյուպատոսության շենք:

Միջադեպը գրանցվել է տեղական ժամանակով ժամը 02.30-ին, երբ 5 անձինք փորձել են մուտք գործել Իսրայելի հյուպատոսության տարածք: Նրանք դրանով ցանկացել են իրենց բողոքը հայտնել Գազայի հատվածում Իսրայելի ռազմաօդային ուժերի գործողությունների դեմ:

Ձերբակալված բոլոր անձինք Թուրքիայի քաղաքացիներ են: Ավելի վաղ իսրայելական բանակը մի շարք հարվածներ է հասցրել Գազայի հատվածում ՀԱՄԱՍ-ի օբյեկտներին՝ ի պատասխան իսրայելական Սդերոտ քաղաքի ուղղությամբ հրթիռի արձակման: