Կարիք չկա ներգրավել նոր բանակցողներ Լեռնային Ղարաբաղի հակամարտության կարգավորման գործում՝ հայտարարել է Ղազախստանի արտաքին գործերի նախարար Երլան Իդրիսովը՝ Աստանայում տեղի ունեցած ճեպազրույցի ժամանակ:
«Ստեղծվել է հատուկ Մինսկի խումբ, որի շրջանակներում հստակ ձևակերպվել են հակամարտության կարգավորման սկզբունքները: Անհրաժեշտ է ապահովել այդ պայմանավորվածությունների իրագործումը»,- «ՌԻԱ Նովոստի» գործակալության փոխանցմամբ՝ ասել է Ղազախստանի արտաքին քաղաքական գերատեսչության ղեկավարը։
