Հայաստանում տեղակայված ռուսաստանյան «Էրեբունի» ռազմակայանի կործանիչ եւ բանակային ավիացիայի օդաչուները սկսել են ինտենսիվ գործնական պատրաստությունը լայնածավալ մարտավարական վարժանքներին, որոնք կայանալու են հուլիսի կեսին «Կամխուդ» եւ «Ալագյազ» զորավարժարաններում:
Չորրորդ սերնդի МиГ-29 կործանիչների, Ми-24П եւ Ми-8МТ ուղղաթիռների օդաչուները ուսումնամարզական թռիչքներ են իրականացնում նվազագույն եւ առավելագույն թույլատրելի բարձրությունների վրա, ինչպես նաեւ օդային մարտի անցկացման խնդիրներ եւ ցամաքային օբյեկտներին հարձակումներ են կատարում, հաղորդել է ռուսաստանյան ռազմակայանի մամուլի ծառայությունը:
