լրացվել է ժամը 18։24- ին
Սանկտ Պետերբուրգի Կոնետանտինովյան պալատում եռակողմ հանդիպման սկզբում Ռուսաստանի նախագահը Հայաստանի եւ Ադրբեջանի պաշտոնակիցներին շնորհակալություն է հայտնել, որ համաձայնել են մասնակցել հանդիպմանը։
«Ցանկանում եմ ողջունել եւ Ադրբեջանի նախագահին, եւ Հայաստանի նախագահին, ցանկանում եմ շնորհակալություն հայտնլ, որ դուք եկել եք Սանկտ Պետերբուրգ»,- ասել է Վլադիմիր Պուտինը՝ բացելով հանդիպումը։ Նա ուշադրություն է հրավիրել այն փաստի վրա, որ արդեն երկկողմ ձեւաչափով հանդիպումներ անցկացվել են։ «Իսկ այժմ խոսենք երեքով»,- Պուտինի խոսքն է մեջբերել «ՌԻԱ Նովոստին»։
+++
Քիչ առաջ Սանկտ Պետերբուրգում սկսվել է Ռուսաստանի, Հայաստանի եւ Ադրբեջանի նախագահներ Վլադիմիր Պուտինի, Սերժ Սարգսյանի եւ Իլհամ Ալիեւի եռակողմ հանդիպումը՝ նվիրված Ղարաբաղյան հակամարտության կարգավորմանը` Twitter- ի իր էջում հաղորդել է ՀՀ նախագահի մամուլի քարտուղար Վլադիմիր Հակոբյանը։
Մինչեւ այս հանդիպումը տեղի են ունեցել Ռուսաստանի նախագահի հանդիպումները Հայաստանի եւ Ադրբեջանի նախագահների հետ։
Պուտին- Սարգսյան հանդիպման ժամանակ Հայաստանի նախագահը շեշտել է, որ հրադադարի ռեժիմի խախտումների բացահայտման հետաքննությունների մեխանիզմի ստեղծումը լավ հիմք կստեղծի Լեռնային Ղարաբաղի հարցով բանակցություններ վարելու համար (մանրամասները՝ այստեղ)։
