Տնտեսական ու սոցիալական հարցեր՝ կառավարության այսօրվա նիստի օրակարգում: Գործադիրն այսօր օրենսդրորեն է ամրագրել վարչապետ Հովիկ Աբրահամյանի՝ կառավարության նախորդ նիստում արած հաղորդումը՝ սոցիալական վճարը պարտադիր կդառնա ոչ թե 2017-ի, այլ՝ 2018-ի հուլիսի մեկից: Գործադիրն այսօր մեկ անգամ ևս հաստատել է «Հրազդան Ցեմենտ» ընկերությանը հարկային ու պարտադիր սոցիալական ապահովագրության վճարների գծով առաջացած տույժերից ազատելու մասին օրենքի նախագիծը: Հիշեցնենք, որ ԱԺ նախորդ քաօրյայի ժամանակ օրենսդրական այս նախաձեռնությունը երրորդ ընթերցման ժամանակ բավարար ձայներ չհավաքելու պատճառով մերժվեց: Կառավարության առաջարկով, մայիսի 10-ին ժամը 12-ին ԱԺ արտահերթ նիստ կգումարվի:
Սոցիալական վճարը Հայաստանի քաղաքացիների համար պարտադիր կդառնա ոչ թե 2017-ի, այլ՝ 2018-ի հուլիսի մեկից: Սրա մասին դեռ նախորդ շաբաթ հայտարարեց Հայաստանի վարչապետը: Այսօր հայտարարությունն ամրագրվեց օրենսդրորեն՝ «Կուտակային կենսաթոշակների մասին» օրենքում կատրավող փոփոխություններով: Ժամկետի փոփոխպությունը պայմանավորվում է 2018թ հունվարի մեկից ուժի մեջ մտնող Հարկային նոր օրենսգրքով:
Այսօր էլ գործադիրի նիստի օրակարգում գերիշխող էին ներդրումային ծրագրերին վերաբերող նախագծերը: Դրանիցի մեկը «ԴՎԻՆ» հյուրանոցային համալիրի վերակառուցման մասին էր։ «Սի Սի Ջի Կովկասյան կոմունիկացիոն խումբ» ընկերության ներկայացրած ծրագրով նախատեսվում է «Դվին» հյուրանոցային համալիրի վերակառուցման աշխատանքներն ավարտել մինչև 2019 թվականը: «Դվին» հյուրանոցային համալիրի վերակառուցումն իրականացվում է «լյուքս» դասի հինգաստղանի հյուրանոցների միջազգային չափանիշներին համապատասխան: Հյուրանոցը Դավիթ Բեկ կանվանվի: Ընթացիկ տարվա ընթացքում ներդրումները կհասնեն 20 մլն դոլարի: Նախատեսվում է ևս 70 մլն դոլարի ներդրում հյուրանոցային համալիրում:
«Հրազդան Ցեմենտ» ընկերությանը հարկային ու պարտադիր սոցիալական ապահովագրության վճարների գծով առաջացած տույժերից ազատելու մասին օրենքի նախագիծը կրկին կառավարության նիստի օրակարգում է: Հիշեցնենք, որ ԱԺ նախորդ քաօրյայի ժամանակ օրենսդրական այս նախաձեռնությունը երրորդ ընթերցման ժամանակ բավարար ձայներ չհավաքելու պատճառով մերժվեց: Կառավարության ղեկավարը կարծում է, որ նախագծի հաստատումը ակնհայտ դրական քայլ է՝ 500 աշխատատեղ կպահպանվի:
Այս նախագիծը կներառվի մայիսի 10-ին ժամը 12-ին գումարվելիք ԱԺ արտահերթ նիստի օրակարգում: Կառավարությունն այսօր հավանություն տվեց Կենտրոնական բանկի 2016 թվականի դրամավարկային քաղաքականության ծրագրին պետական բյուջեի կատարման նկատմամբ հսկողության 2015 թվականի տարեկան արդյունքների հաշվետվությանը: ԵԱՏՄ ՀՀ անդամակցությամբ ու ճանապարհային քարտեզում ամրագրված դրույթներով պայմանավորված օրենսդրական փոփոխություններ կկատարվեն, որոնց արդյունքում Հայաստան ներմուծվող ապրանքների համար մաքսանենգություն հոդվածը կապաքրեականացվի:
ՊԵԿ նախագահի տեղակալ Վախթանգ Միրումյանի պարզաբանմամբ, ՀՀ մաքսային հսկողությունը շրջանցելով ապրանքներ ներմուծելն այլևս մաքսանենգություն չի դիտարկվի: Նման դեպքերում տնտեսվարողները մաքսային արժեքի 100 տոկոսի չափով վարչական տուգանք կվճարեն: Հրաժարվելու դեպքում միայն նրանք պատասխանատվության կենթարկվեն: Սա զենք-զինամթերի, թմրանյութերի ու կանխիկ գումարի սահմանված չափի գերազանցմանը չի վերաբերում: Հարցը կքննակվի շահագրգիռ կողմերի հետ:
Հայրենական մեծ պատերազզի մասնակից 50 վետերանների հանգստի կազմակերպման նպատակով կառավարությունը աշխատանքի ու սոցիալական հարցերի նախարարությանը վեց մլն դրամ հատկացրեց: Կառավարության նիստի ավարտին վարչապետ Հովիկ Աբրահամյանը կառավարության անդամներին հանձնարարեց ամիսը մեկ անգամ մարզեր այցելել՝ հանդիպելով նաև ապրիլյան պատերազմի ընթացքում զոհված զինծառայողների ընտանիքների հետ:
Նշենք նաև, որ էկոնոմիկայի նախարար Արծվիկ Մինասյանի փոխանցմամբ , զոհված զինծառայողների աջակցության նախագիծը ներքին շրջանառության մեջ է, տասը օրվա ընթացքում արդյունքները կամփոփեն, կներկայացվեն հանրությանը:
