Արցախի նկատմամբ Ադրբեջանի սանձազերծած 5-օրյա պատերազմի եւ հարակից հարցերը շարունակում են մնալ որպես օրակարգային առանցքային թեմա: Այդ կապակցությամբ այսօր զրուցել ենք քաղաքական վերլուծաբան Հրանտ Մելիք- Շահնազարյանի հետ: Անդրադառնալով հարցին, թե ի՞նչ ստացան եւ ի՞նչ կորցրեցին կողմերն այս հնգօրյա պատերազմի արդյունքում՝ վերլուծաբանը նախ նկատել է, որ Ադրբեջանն իր ռազմական նոր մարտավարությամբ որեւէ օգուտ չունեցավ եւ այլեւս չի կարող հետագայում հայկական կողմերին որեւէ կերպ պարտադրել իրեն ձեռնտու որեւէ որոշում:
