2015-ի նոյեմբերին Երևանի Նորք Մարաշ վարչական շրջանում վնասազերծված զինված խմբի գործով նախաքննության ընթացքում պարզվել են խմբի ֆինանսավորման, զինամթերքի ձեռքբերման աղբյուրները ՝ այսօր հայտարարել է ԱԱԾ քննչական վարչության պետի առաջին տեղակալ, քննչական խմբի ղեկավար Միքայել Համբարձումյանը: Լրագրողների հետ հանդիպման ժամանակ նա նախաքննության որոշ մանրամասներ է ներկայացրել:
Ըստ պաշտոնյայի ՝ խմբի անդամները մոտ 65 հազար դոլար ֆինանսավորում են ստացել: Ֆինանսավորողը հայաստանցի է, գործով մեղադրյալ՝ ասել է Միքայել Հարությունյանը՝ առանց անուններ հրապարակելու: Նա նշել է, որ պարզվել են նաև զինամթերքի ձեռք բերման աղբյուրները: Նրանք, ովքեր խմբի անդամներին զենք են վաճառել կամ նվիրել, կալանավորված են՝ ասել է Համբարձումյանը:
ԱԱԾ պաշտոնյան այսօր գործով ձեռքբերված ապացույցների մասին որոշ լուսանկարներ է հրապարակել՝ զենք-զինամթերքի, հանդերձանքի լուսանկարներ, քարտեզներ ու նշագրումներ :
Ըստ նախաքննության արդյունքների՝ խումբը թիրախավորել է մի շարք պետական մարմիններ՝ ԱԺ-ի, կառավարության, նախագահի նստավայրի ու ՍԴ շենքերը՝ ծրագրելով միաժամանակյա զինված հարձակումներ: Խումբը տեղեկություններ է հավաքել 147 քաղաքական պետական-քաղաքական գործիչների վերաբերյալ, այդ թվում՝ ԱԺ պատգամավորների, Հայաստանի առաջին և երկրորդ նախագահների:
Նախաքննական մարմնի ձեքին նաև այն տեսագրությունն է, որը խմբի ղեկավարը պետք է հրապարակեր զինված հարձակումից հետո, նաև այն նամակը, որը պետք է ուղղվեր դիվանագիտական կորպուսին:
«Ներկայացվածից էլ պարզ է, որ նպատակը բռնությամբ, զինված հեղածրջում իրականացնելն էր: Խմբի գործողություններն ուղղված են եղել պետական ինստիտուտների դեմ: Ուղերձից, դեսպանատներին հասցեագրված նամակից, նաև զենք-զինամթերիքի քանակից էլ ակհայտ է, որ խումբը չէր վարանելու իր ամենն օգտագործելիս»:
