Սառը ցիկլոնները ներխուժում են հանրապետության տարածք՝ մտահոգության առիթ տալով պտղաբույծներին։ Ռադիոլուրը զրուցել է շահագրիգիռ կողմերի՝ մտահոգ գյուղնախարարության, կորուստ կրող գյուղացու և եղանակը կանխատեսող մարմնի հետ։
Արկտիկական ցիկլոնն ու սառը հոսանքները ներխուժում են Հայաստան: Այսօր ժամը 13:00 դրությամբ՝ հանրապետության տարածքում արևմուտքից նկատվել է արկտիկական սառը օդի բուռն ներհոսք, որն ուղեկցվել է քամու ուժգնացմամբ առանձին հատվածներում 18-20 մ/վրկ, լեռնային և նախալեռնային մի շարք շրջաններում ձյան, իսկ հովտային և նախալեռնային շրջաններում անձրևի տեսքով:
ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը ներկայացնելով սպասվող եղանակային պատկերն ընդգծում է, որ հանրապետոթյան տարածք ներթափանցող սառը օդային հոսանքները Արարատյան դաշտին սպառնաում են նաև ցրտահարությամբ: «Ցրտահարության վտանգ կա՝ մարտի 17-ի լույս 18-ի գիշերը, և Արարատյան դաշտում կանխատեսվում է, որ օդում ջերմաստիճանը նվազի մինչև -2 աստիճան, իսկ հողի մակերևույթին մինչև -4 աստիճան: Ջերմաստիճանի անկում կլինի Տավուշի և Սյունիքի հովտային հատվածներում՝ գրանցվելով՝ օդում մինչև -2-3»:
450 տուն և 700 տնտեսություն ունեցող Արմավիրի շրջանի Հացիկ գյուղի բնակչությունը հիմնականում զբաղվում է պտղաբուծությամբ. Մշակում են սալորենի, ծիրանենի, դեղձենի խաղող։ «Ռադիոլուրի» հետ զրույցում Հայցիկի գյուղապետ Արթուր Եղիազարյանը փոխանցում է անհանգստությունը. ծիրանենին արդեն 60-80 տոկոսով բողբոջել է։
Ցրտահարության դեպքում՝ տարեկան 3 հազար տոննա ծիրանի բերք տվող Հացիկի կորուստը կկազմի 2-2.5 տոննա կամ 500 հազար դրամ։ «Այս պահի դրությամբ վտանգ չենք տեսնում։ Եթե իրականանան ԱԻՆ-ի կանախետսումները՝ դա կազդի միայն ծիրանենու վրա, հողի մակերևույթի 5 աստիճան ցրտի պարագայում հնարավոր է ունենանք 50 տոկոս կորուստ, իսկ էլ ավելի ցրտի դեպքում՝ ոչինչ էլ չի պահպանվի»,- ասում է:
Հացիկցին, ըստ գյուղապետի, ցրտահարությունից պաշտպանելու համար պատրաստ է ծխահարել ու ոռոգել այգիները, իսկ արդյունքը որքանով նպաստավոր կլինի՝ Արթուր Եղիազարյանը չի շտապում կանխատեսումներ անել։
Հողագործությամբ և պտղաբուծությամբ զբաղվողներին զուգահեռ՝ ցրտահարության պատճառած վնասից իրենց փորձում են ապահովագրել նաև ջերմոցային տնտեսությամբ զբաղվողներկը «Ռադիոլուրի» հետ զրույցում Արարատի մարզի Գեղանիստ գյուղի բնակիչ Գագիկ Բաբախանյանը, ով լոլիկ և վարունգ է աճեցնում, տաք եղանակից կտրուկ ցրտին անցումը նույնպես բացասական է համարում, իսկ ընդհանրապես Գեղանիստում, որտեղ հիմանականում վաղահաս կարտոֆիլ են աճեցնում, մտահոգված են հավանական ցրտահարության մասին կանխատեսումից:
Գյուղատնտեսության փոխնախարար Գառնիկ Պետրոսյանը դեռ չի շտապում խոսել ցրտահարության վտանգի մասին։ Այստեղ սպաում են, թե ինչ եղանակ կլինի այսօր, իսկ արդեն վաղը, եթե հարկ լինի, հանդես կգան նախազգուշացումով ու խորհուրդներով։
