ՌԴ-ում եւ հատկապես Մոսկվայում գրիպի հիվանդացության մակարդակն իջել է` հատելով համաճարակի սահմանը: Ինչպես գրում են տեղի լրատվամիջոցները՝ հղում անելով «Ռոսպոտրեբնադզոր»-ին, մեկ շաբաթվա ընթացքում` փետրվարի 8-ից 14-ն ընկած ժամանակահատվածում հիվանդացության մակարդակը նախորդ շաբաթվա համեմատ նվազել է 29.6 տոկոսով: Գործակալության աղբուրը նշում է, որ չնայած դեպքերի նվազմանը, Մոսկվայում շարունակում են իրականացվել գրիպի տարածվածությունը կանխելու միջոցառումներ: Վերահսկողությունը հատկապես շարունակվում է կրթական և բժշկական հաստատություններում:
