լրացված 15.03-ին
Լրագրողների հետ 2016թ առաջին հանդիպումն այսօր ՀՀԿ-ական պատգամավոր Գագիկ Մինասյանը շնորհավորանքով ու բարեմաղթանքներով է սկսել: Առողջությունից, երջանկությունից, հաջողությունից առավել ԱԺ ֆինանսավարկային ու բյուջետային հարցերի մշտական հանձնաժողովի նախագահը խաղաղություն է ցանկացել : Համաշխարհային տնտեսական զարգացումները հուսադրող չեն, մեր երկրի տնտեսական աճն էլ որևէ նշանակություն չի ունենա ՝ առանց երկրի անվտանգության: «Անվտանգությունը չափազանց ավելի կարևոր է, քան մնացած ամեն ինչ»,- հայտարարել է Գագիկ Մինասյանը և հավելել, որ հասարակության ուշադրությունը ներքին խնդիրներից շեղելու համար Ադրբեջանը փորձելու է էլ ավելի ավելի խորացնել լարվածությունը ՀՀ և ԼՂՀ սահմաններին, որն ամեն բանից բացի կբարդացնի նաև մեր տնտեսական ակնկալիքները հատկապես ներդրումների առումով:
Ռուսական ռուբլու գահավիժում, Հայաստանի ռազմավարական գործընկերոջ՝ ՌԴ-ի նկատմամբ պատժամիջոցների շարունակականություն և ուժեղացում, նավթի գների անկում: Վերը նշված գործոններին վերջին շրջանում ավելացել են նաև Սաուդյան Արաբիայի, Թուրքիայի և Իրանի Իսլամական հանրապետությունների հարաբերությունների լարվածություն: Աշխարհաքաղաքական զարգացումները ներկայացնում է ԱԺ ֆինանսավարկային ու բյուջետային հարցերի մշտական հանձնաժողովի նախագահ Գագիկ Մինասյանը:
Անդրադառնալով արդեն Ադրբեջանում տեղի ունեցող զագացումներին՝ նա նկատում է ՝ այս երկրում էլ նավթի գների անկումը բարդ ֆինանսական իրավիճակ է ստեղծել, կանխատեսումների համաձայն, գնալով ամեն ինչ ավելի խորանալու է, նավթի գնի անկումը մինչև 20 դոլար կհասնի: Սրանով սակայն, ըստ ԱԺ ՀՀԿ-ական պատգամավոր Գագիկ Մինասյանի, Ադրբեջանը այսքանով չի հանգստանա.
«Հասարակության ուշադրությունը ներքին խնդիրներից շեղելու համար նա կփորձի էլ ավելի լարվածությունը խորացնել ՀՀ և ԼՂՀ սահմաններին, որն ամեն բանից բացի կբարդացնի նաև մեր տնտեսական ակնկալիքները հատկապես ներդրումների առումով»:
Ստեղծված իրավիճակում լուրջ մարտահրավերներ են ստեղծվել Հայաստանի տնտեսական զարգացումների համար: Հետևողական պայքար կոռուպցիայի դեմ, հավասար մրցակցային պայմանների համար բարենպաստ դաշտի ձևավորում, նոր Սահմանադրության ընդունումից հետո նոր հնարավորություններ ու օրենքների ընդունում. տնտեսական զարգացման տեսլականում այս ուղղություններն են կարևորովում: Առաջին անգամ կառավարության նախանշած՝ 2,2 տոկոս տնտեսական աճը համընկնում է Համաշխարհային բանկի կանխատեսումների հետ: Գնաճն էլ նախանշված՝ 4+ -1-ի շրջանակներում կլինի: Համաշխարհային տնտեսական զարգացումները հուսադրող չեն, մեր երկրի տնտեսական աճն էլ որևէ նշանակություն չի ունենա ՝ առանց երկրի անվտանգության: «Անվտանգությունը չափազանց ավելի կարևոր է, քան մնացած ամեն ինչ»,- ընդգծում է Գագիկ Մինասյանը:
«Այս պայմաններում մենք պետք է հասկանանք, մենք ավելի լավ կապրենք, եթե լինենք անվտանգ, եթե ավելի պակաս անվտանգ լինենք, աշխատավարձերը բարձրանան, մենք ավելի լավ չենք ապրի»:
Այդուհանդերձ, անդրադառնալով տնտեսական զարգացումներին, ՀՀԿ-ական պատգամավորը խոստովանում է՝ գյուղատնտեսությունում, օրինակ, ներուժն ամբողջովին սպառված չէ, դեպի ՌԴ արտահանման լրացուցիչ հնարավորություններ կան, սակայն, Գագիկ Մինասյանի խոսքով, պետք է այնպես անել, որ ռուսական շուկան սպասի հայկական գյուղմթերքին: ԱԺ ֆինանսավարկային ու բյուջետային հարցերի մշտական հանձնաժողովի նախագահն էլ է նկատում՝ ռուսական շուկայում թուրքական գյուղմթերքի արգելքից միայն հայերը չէ, որ կարող են օգտվել.
«Այդ շուկայի վրա աշխատելու է ոչ միայն ՀՀ գյուղատնտեսությունը, այլև Միջին Ասիայի գյուղատնտեսությունը, Ադրբեջանի գյուղատնտեսությունը: սա առաջին մարտահրավերն է, որը մենք պետք է հաշվի առնենք, և փրոձենք հաղթահարել: Երկրորդ, կարծում եմ, որ ավելի բարդ խնդիրը նա է,որ ռուբլու արժեզրկումը շարունակվում է, և կանխատեսել, թե ռուբլու կայուն վիճակն ինչպիսին կլինի, առայժմ ոչ մեկը չի կարող քիչ թե շատ իրատեսական կանխատեսում անել»:
Իսկ ռուսական ռուբլու անկման բացասական հետևանքները հայ տնտեսվարողները, մասնավորապես գինեգործներն ու կոնյակագործներն արդեն սեփական մաշկի վրա են զգացել: Հայկական կոնյակն ու գինին հիմանական իրացվում է ռուսական շուկայում, ռուբլու տատանման պայմաններում ռուսական կոնյակ արտադրողները ն գնային քաղաքականություն թելադրեցին այլ երկների արտադրողների համար, իսկ հայ տնտեսվարողներն էլ շուկայում դիրքերը պահպանելու համար 5-10 տոկոս եկամտային կորուտ ունեցան:
Ոչ պաշտոնական հաշվարկների համաձայն՝ կոնյակի և գինու արտահանման ծավալները 2015-ին նվազել են շուրջ 20 տոկոսով: Կանխատեսումների համաձայն, 2016 ավելի բարդ է լինելու, վերամշակող ընկերությունները կառավարությունից կոնկրետ աջակցություն են ակնկալում:
