Մշակույթ

«Արեւի լեռը». չինական հեքիաթները՝ հայերենով

alisagevorgyan

Երևանի Խնկո-Ապոր անվան մանկական ազգային գրադարանում այսօր տեղի է ունեցել   Չինական ժողովրդական հեքիաթների՝ «Արևի լեռը»  գրքի շնորհանդեսը: ժողովածուն իր մեջ ներառում է  չինական ժողովրդական 45 հեքիաթ։ Հայաստանում Չինաստանի Ժողովրդական Հանրապետության դեսպանությունը 3000 գիրք է նվիրելու Հայաստանի դպրոցներին և նախադպրոցական հիմնարկներին, համայնքային գրադարաններին:

 

Հայ մանուկների սեղանին  չինական հեքիաթների նոր ժողովածուն է՝ «Արևի լեռը», որտեղ ամփոփված են Չինաստանում ամեասիրված ու տարածված հեքիաթները: Դրանցում, ինչպես աշխարհի բոլոր հեքիաթներում բարին միշտ հաղթում է չարին ու վերականգնում արդարությունը:

Հեքիաթներն են, որ երեխայի  մեջ սերմանում են բարին ու  արդարության ձգտումը: Հայ երեխաների մեջ չինական հեքիաթների միջոցով բարության սերմեր ցանելու գաղափարը ծնվել է Հայաստանում Չինաստանի դեսպանի և  բանասիրական գիտությունների դոկտոր, պրոֆեսոր Սերգո Երիցյանի հանդիպման ընթացքում:

«Դա այն ժամանակ էր, երբ պիտի մեկնեինք Չինաստան Մետաքսի ճանապարհի մասին պատմող ֆիլմի նկարահանումներն իրականացնելու համար»,- ասում է Սերգո Երիցյանը։

«Անկասկած Մետքսի ճանապարհն այն ճանապարհն է, որը դարեր շարունակ միշտ մերձ է պահել Չինաստանը և Հայաստանը, համագործակցության ուղիներ է ստեղծել երկու երկրիների միջև, և այդ ուղիները եղել են բազմազան՝ տնտեսական, մշակութային: Հրատարակված հեքիաթների ժողովածուի մեջ ներկայացված է նաև այն  ոգին, որը կոչվում է հայ-չինական բարեկամության ոգի»,- շարունակում է Սերգո Երիցյանը։

Գրքի լուսընծայմանն օժանդակելու համար Հայաստանում Չինաստանի Ժողովրդական Հանրապետության արտակարգ և լիազոր դեսպան  Թիեն Ըրլոնգն այսօր իր երախտագիտությունը հայտնեց Սերգո Երիցյանին և «Էդիտ Պրինտ» հրատարակչությանը՝ նշելով, որ ժողովածուն հայ երեխաներին հնարավորություն կտա ծանոթանալու Չինաստանին, չինական մշակույթին ու հեքիաթների հերոսներին։

«Բարությունը գեղեցկություն է: Այս արտահայտությունն աշխարհի տարբեր ազգերի  հեքիաթների կարևորագույն մասն է: Չինաստանի հեքաթները, ունենալով առանձնահատուկ արվեստ, նույնպես արտահայտոմ են սեր , գեղեցկություն , բարություն: Սեր դեպի մարդը և  բնությունը»,- ասում է դեսպան Ըրլոնգը։

Ամանորի նախաշեմին Չինական ժողովրդական հեքիաթների նոր ժողովածուն դարձավ Հայաստանում Չինաստանի դեսապանատան հրաշալի նվերը հայ մանումներին: Դեսպանությունը գրքի 3000 օրինակ կնվիրաբերի  Հայաստանի դպրոցներին, նախադպրոցական հիմնարկներին և  համայնքային գրադարաններին:

Back to top button