Սահմանային հերթական լարվածությունն առաջնագծում, որի ընթացքում ադրբեջանական կողմն առաջին անգամ օգտագործել է նաև տանկ, պայմանավորված է ինչպես արտաքին քաղաքական զարգացումներով, այնպել էլ ներքաղաքական իրավիճակով, համոզված է ԼՂՀ նախագահի մամուլի խոսնակ, քաղաքական վերլուծաբան Դավիթ Բաբայանը։
Ահաբեկչական պետությունը փորձում է այդ կերպ ապակայունացնել իրավիճակը սահմանին, որպեսզի ազատորեն ուժ կիրառի նաև սեփական ժողովրդի դեմ, ասում է։
Մինչդեռ քաղաքագետ Հրանտ Մելիք- Շահնազարյանի կարծիքով՝ հակառակորդի արդեն սովորական դարձած ջղաձգումները բանակցություններից խուսափելու նպատակ են հետապնդում: Նրանք այդ կերպ փորձում են խուսափել խնդրի կարգավորման սկզբունքային հարցերի քննարկումից։
Միջազգային հանրությունը տեսնում է, որ հայկական կողմը հաջողություններ է գրանցում, ի պատասխան՝ բանակցություններից խուսափելով՝ Բաքուն փորձում է ժամանակ ձգել՝ լավ օրերի ակնկալիքով։
Հրանտ Մելիք Շահնազարյանի խոսքով՝ Ադրբեջանը փորձում է փոխել քաղաքական օրակարգը՝ լարվածություն առաջացնելով, որպեսզի կամ հանդիպումից խուսափի, կամ հանդիպման դեպքում սահմանային լարվածության հարց քննարկի:
