Ըստ ՀԿՀ նախնական արդյունքների՝ Սահմանադրության փոփոխություններն ընդունված են

Հանրապետության բոլոր 1997 տեղամասերի արդյունքներն ամփոփելուց հետո՝Հանրաքվեի կենտրոնական հանձնաժողովի նախնական տվյալների համաձայն՝ Սահմանադրության փոփոխությունները երեկ կայացած հանրաքվեում ընդունվել են։

Ըստ «Հանրաքվեի մասին» օրենքի՝  «նախագիծը համարվում է ընդունված, եթե կողմ է քվեարկել քվեարկության մասնակիցների կեսից ավելին, բայց ոչ պակաս, քան ընտրական ցուցակներում ընդգրկված քաղաքացիների մեկ քառորդը»։

Ըստ նախնական պաշտոնական տվյալների՝ Սահմանադրության փոփոխություններին կողմ է քվեարկել մասնակիցների 63,35 տոկոսը կամ 825622 ձայն, որը կազմում է ընտրացուցակներում ընդգրկված քաղաքացիների 32,42 տոկոսը։

Դեմ է քվեարկել մասնակիցների 32,35 տոկոսը կամ 421593 ձայն, որը կազմում է ընտրացուցակներում ընդգրկված քաղաքացիների 16,42 տոկոսը

Դեկտեմբերի 6- ին կայացած քվեարկությանը 2 մլն 566 հազ. 730 ընտրողից մասնակցել էր 1 մլն 296 հազ.368- ը կամ 50.51 տոկոսը։