ՀՅԴ խմբակցության քարտուղար Աղվան Վարդանյանը Դավիթաշենի վարչական շրջանում տեղակայված 5/18 ընտրատեղամասում որդու և աղջկա հետ արդեն կատարել է իր քաղաքացիական պարտքը:
«Ես ընտրել եմ հանուն իմ պատկերացրած կազմակերպված, բարեկեցիկ և ուժեղ Հայաստանի: Մեր հիմնական ասելիքն այս ընթացքում եղել է, որ մեր քաղաքացիները կարևորեն իրենց ձայնը, լինեն ակտիվ, վստահ, որ մեր երկրում իրենց ձայնը կարող է արմատական փոփոխություններ կատարել և այս հանրաքվեն հենց այս նպատակն ունի»,- ասել է Աղվան Վարդանյանը:
