Հասարակություն

Բացառիկ ցուցադրություն՝ Մատենադարանում

Նկարները՝ Աիդա Ավետիսյայի  եւ Ֆոտոլուրի

aidaavetisyan
2014 թվականի սեպտեմբերին Մատենադարանը համաձայնագիր է կնքել Գերմանիայում բնակվող Սևրուգյանների ժառանգորդ Էմանուել Սևրուգյանի հետ, որի համաձայն էլ  միջազգային ճանաչում վայելող իրանահայ հայր և որդի արվեստագետներ՝ լուսանկարիչ Անթուան խան Սևրուգինի և գեղանկարիչ Անդրե Սևրուգյանի լուսանկարչական ու գեղանկարչական շուրջ 100 աշխատանք նվիրաբերվել է Մատենադարանին: Այսօր էլ կայացել է այդ նկարների անդրանիկ ցուցահանդեսը:

 

 

Մատենադարանը հարստացել է  բացառիկ արժեք ներկայացնող արվեստի գործերով՝ իրանահայ հայր և որդի արվեստագետներ՝ լուսանկարիչ Անթուան խան Սևրուգինի և գեղանկարիչ Անդրե Սևրուգյանի լուսանկարչական ու գեղանկարչական աշխատանքներով, որոնք նրանց ժառանգորդ  գերմանաբնակ Էմանուել Սևրուգյանը նվիրաբերել  է հայկական հին ձեռագրերի պահոց Մատենադարանին:

Աշխարհի հեղինակավոր թանգարաններում են պահվում այս արվեստագետների  նկարները, սակայն Հայաստանում նրանց նկարների ցուցահանդեսը կազմակերպվում է առաջին  անգամ: Դեռևս 2005 թվականին է եղել նվիրատվության մտադրությունը, երբ  նախնիների  հայ լինելու փաստը  հաստատելու համար առաջին անգամ ժամանել է  Հայաստան, սակայն  տարբեր  մշակութային օջախների են  դիմել ու մերժվել: Միայն Մատենադարանն էր, որ  նվիրատվությունն ընդունեց մեծ ուրախությամբ, ասում է Էմանուել Սևրուգյանը:

«Իմ փափագն էր, որ այն նկարները, որոնց մի ման իմ մոտ էր, ներկայացվեր Հայաստանում, որովհետև այստեղ չկար ոչինչ, իսկ արտասահմանում շատ են  նրանց նկարները: Այդ պատճառով ես որոշեցի, որ տեղափոխվի Մատենադարան»:

Ծննդով Իրանից Իվետ Թաջարյանը, ով արդեն 20 տարի է զբաղվում է այս երկու արվեստագետների արվեստի ուսումնասիրմամբ, նշեց, որ Պարսկաստանի թանգարաններից մեկում,  երբ 2002 թվականին կազմակերպվել է ցուցահանդես, առաջարկություն է եղել այդ ցուցասրահը կոչել արվեստագետների անվամբ, սակայն  հավելեց, որ առաջարկը չեն ընդունել, քանի որ Պարսկաստանն իրենց նպատակը չէր, այլ  Հայաստանն էր:

Գեղանկարիչ Անդրե Սևրուգյանը պարսկական կերպարվեստում նորարարություն ներմուծած նկարիչների սերնդին է պատկանում: Նրա նկարների թեմաները հիմնականում վերցված են միջնադարյան հռչակավոր պարսիկ բանաստեղծներ՝ Ֆիրդուսու, Խայամի, Հաֆեզի, Բաբա Թահերի, ինչպես նաև հայ աշուղ-բանաստեղծ Սայաթ-Նովայի ստեղծագործություններից, որոնցից մի քանիսն էլ ընդգրկված են Մատենադարանին նվիրաբերած նկարներում:

Պալատական լուսանկարիչ Անթուան խան  Սևրուգինն իր դիմանկարների համար  դարձել է  Նաս եր էլ Դին շահի անձնական լուսանկարիչը և նույնիսկ հարեմից ունի լուսանկարներ: Հարուստ և շքեղ ցուցադրությունների բացման առթիվ շնորհավորեց Մատենադարանի տնօրեն Հրաչյա Թամրազյանն ու Մատենադարանին նվիրաբերած արժեքավոր նյութի համար Էմանուել Սևրուգյանին պարգևատրեց Մեսրոպ Մաշտոցի անվան հուշամեդալով:

Back to top button