Դեկտեմբերրի 3-ին MEZZO և դեկտեմբերի 4-ին KAMI երաժշտական ակումբներում կկայանան Ben Pool Bend խմբի երևանյան համերգները, որոնք նախաձեռնել է Եվրոպական բլյուզ կրուիզը՝ Բլյուզի հայկական ասոցիացիայի աջակցությամբ: Խմբի մենակատար Բեն Փուլն այսօր հանդիպել է լրագրողների հետ, որոնք նրա երևանյան ունկընդիրներից, թերևս, առաջիններից էին:
Երևանյան երկու համեևրգներից առաջ բրիտական ժամանակակից բլյուզ-ռոքի ներկայացուցիչ Բեն Փուլը լրագրողներին ներկայացավ փոքրիկ կատարմամբ: Չնայած երիտասարդ տարիքին՝ նա բավականին հայտնի է ԱՄՆ-ում և Եվրոպայում: Հեղինակավոր ամսագրերը ընդամենը 28 տարեկան այս արտիստին բնորոշում են որպես «բլյուզի ծագող աստղ», «բրիտանական բլյուզի նոր առաջնորդ», կամ պարզապես «հաջորդ Ջո Բոնամասա»։ Բենը կիթառ է նվագում 9 տարեկանից, իսկ 12 տարեկանից տարվել է բլյուզով՝ լեգենդար երաժիշտներ Ջիմի Հենդրիքսի, Էրիք Քլեպտոնի, Գարի Մուրի ազդեցության ներքո:
Ինչպես Բենն է խոստովանում, բլյուզ նվագելու իր ոճի վրա ազդել են երաժշտական տարբեր ուղղություններ, այդ թվում՝ ռոք, սոուլ, մասամբ գոսպել և ֆանկ: Բլյուզում նրա կուռքը Բիբի Քինգն է: Հայաստանում է առաջին անգամ:
Եվրոպական բլյուզ կրուիզի և Բլյուզի հայկական ասոցիացիայի աջակցությամբ Երևանում հանդես կգա երկու համերգներով: Դեկտեմբերրի 3-ին MEZZO , իսկ դեկտեմբերի 4-ին KAMI երաժշտական ակումբումբներում: Համերգներին նախատեսվում է նաև համատեղ ելույթ հայ երաժիշտների հետ։
