Գրող, հրապարակախոս Մերուժան Տեր- Գուլանյանն ու Երևանի գրողների միության նախագահ Աբգար Ափինյանը սահմանադրության նոր նախագծի հետ մեծ հույսեր են կապել, ուստի նրանց որոշումն արդեն հստակ է՝« այո» սահմանադրական փոփոխություններին:
Երևանի գրողների միության նախագահ Աբգար Ափինյանը սահմանադրական փոփոխությունների նախագիծը դիտարկում է աշխարհաքաղաքական սպասվող վերաձևումների տեսանկյունից: «Աշխարհի քաղաքական քարտեզն առաջիկայում բոլորվին այլ տեսք կարող է ունենալ: Աշխարհը փոխվում մեր աչքի առաջ: Հայաստանն էլ պիտի փոխվի»,- ասում է Ափինյանը՝ Սահմանադրության նոր նախագիծը դիտարկելով որպես փոփոխությունների իրական հնարավորություն:
Ափինյանը ցավում է, որ նման լրջագույն հարցերի շուրջ բովանդակային քննարկումներ կազմակերպելու փոխարեն Սահմանդրության հանրաքվեի քարոզարշավը վերածվել է ռեալիթի շոուի: «Այո»- ի և «Ոչ»- ի բաժանված հակամարտող կողմերի հաճախ անձնավորված պայքարը Ափինյանի համար անընդունելի է:
«Բոլորը քննարկում են այն հարցը, թե ում է ձեռնտու այս փաստաթուղթը: Սահմնադրությունն առաջին հեթին պետք է ձեռնտու լինի ժողովրդին»,- ասում է գրող, հրապարակախոս Մերուժան Տեր- Գուլանյանը։ Նույն համոզմունքով նա կասի իր «այո»- ն նաև սահմանդրական փոփոխությունների առաջիկա հանրաքվեում։
