Միջազգային

Օբաման եւ Պուտինը քննարկել են Սիրիան եւ Ուկրաինան

Լուսանկարը՝ «Ռոյթերի»

ԱՄՆ եւ Ռուսաստանի նախագահներ Բարաք Օբաման եւ Վլադիմիր Պուտինն այսօր դռնփակ 30- րոպեանոց հանդիպում են ունեցել Փարիզում՝ Կլիմայի գագաթաժողովի շրջանակներում։

Ռուսաստանի նախագահի մամուլի քարտուղար Դմիտրի Պեսկովը մեկնաբանելով հանդիպումը հայտարարել է, որ Օբաման ափսոսանք է հատնել ռուսական Су-24 ինքնաթիռի միջադեպի կապակցությամբ։ Պետկովի խոսքով՝ զրույցի ընթացքում «երանգներով քննարկվել է նաեւ Սիրիան, Պուտինն ու Օբաման հանդես են եկել քաղաքական կարգավորման մեկնարկն առաջ տանելու օգտին»։

«Խոսել են նաեւ Ուկրաինայի մասին՝ ընդգծելով Մինսկի պայմանավորվածություններն իրագործելու անհրաժեշտությունը»,- Պեսկովի խոսքերն է մեջբերում «Ինտերֆաքսը»։։

Իր հերթին Սպիտակ տունը նշել է, որ հանդիպման ժամանակ Օբաման հայտարարել է, որ Սիրիայի նախագահ Բաշար Ասադի հեռացումը պետք է լինի քաղաքական կարգավորման մաս, հաղորդում է «Ռոյթերը»։ Ամերիկյան վարչակազմի ներկայացուցչի խոսքով՝ Օբաման նաեւ հիշեցրել է  Ուկրաինայում ճգնաժամի կարգավորման  դիվանագիտական ուղու հնարավորության մասին։

Back to top button