Միջազգային

Բաքվում զինված խմբավորում է վնասազերծվել, կա 6 զոհ

Բաքվի Նարդարան ավանում այսօր  զինված խմբի դեմ իրավապահների գործողությունների ընթացքում զոհվել է խմբի չորս անդամ եւ երկու ոստիկան։ Ձերբակալվել է 14 կասկածյալ, հայտնում են ադրբեջանական լրատվամիջոցները։ Վնասազերծման ժամանակ խմբի անդամները  դիմադրություն են ցույց տվել ոստիկանությունը, նաեւ նռնակ նետել նրանց ուղղությամբ։

Երկրի ներքին գործերի նախարարության տարածած հաղորդագրության համաձայն՝ խումբը նախաձեռնել է ապակայունացնել երկրի սոցիալ- տնտեսական իրավիճակը, կազմակերպել սադրանքներ, զանգվածային անկարգություններ, ահաբեկչական գործողություններ՝ գործելով կրոնական քողի տակ։

Ըստ իրավապահների՝ «Մահմեդական միասնություն» շարժման նպատակն է եղել բռնությամբ փոխել երկրի սահմանադրական կարգը՝ հաստատելով շարիաթի օրենքի վրա հիմնված պետական կարգ։

Back to top button