Աշնան ցրտերն սկսելուն պես Շիրակի թեմի Սուրբ «Յոթ վերք» եկեղեցու «Բարեգործական ջոկատ»-ի երիտասարդները նախաձեռնել են «Մեկ բացիկ=մեկ տուն» ծրագրի երրորդ փուլը: Ծրագրով լուծվում են անօթևան ընտանիքների բնակարանային խնդիրները: Բացիկների վաճառքից գոյացած հասույթը հերթական անգամ կտրամադրվի 1988 թվականի երկրաշարժի հետևանքով մինչ օրս անօթևան մնացած ընտանիքներին բնակարանների գնման համար: Մեկ բացիկի արժեքը 400 դրամ է: Գյումրիի «Յոթ վերք» եկեղեցու բարեգործական ջոկատի կամավորները դեկտեմբերի 7-ին, երկրաշարժի հերթական տարելիցին հերթական բնակարանն ու ապագայի հույսը կնվիրեն եւս մեկ անօթեւան ընտանիքի:
